Reportajen Umbelina dos Reis
Governo Timor-Leste liu husi Ministeriu Petroleu no Rekursus Minerais, ho haksolok assina kontratu ho Fugro Singapore Marine Pte Lte ba levantamentu Jeofiziku no 2D sismiku ho alta rezolusaun (2D High Resolution Seismic 2D –HRS) ba exportasaun gazodutu gas Greater Sunrise, husi komponente kritiku ba projetu TLNG.
Ministeriu Petróleu no Rekursus Minerais – (MPRM), Francisco da Costa Monteiro hateten, Ohin momentu signifikativamente markante ba jornada Timor-Leste nian, hodi lori gas husi Greater Sunrise mai Timor-Leste, liu-husi projetu Timor-Leste Natural Gas no TLNG.
” Ohin asinatura importante ida iha prosesu ita luta no mos prosesu atu asegura kadoras Greater sunrise mai Timor-Leste ita halo kontratu ida ho kompaiña ida naran Fugro Singapura maibe ne’e kompaiña ne’ebe faz parte ida que boot iha mundu ne’ebe espesialidade ba survey iha oin fizikal no aerlines problema nia ne’ebe faz parte hosi prosesu ou estudu investigasoens.” Dehan Ministeriu Petróleu no Rekursus Minerais – (MPRM), Francisco da Costa Monteiro, ba jornalista sira iha Gabinete MPRM Faról, sexta-feira, 17/07.
Ministru dehan, necessariu atu bele estabelese rota ou kadoras ne’ebe dada mai iha Natarbora Greater Sunrise maibe inklui mos survey hosi bayu undang iha Natarbora nian. Rota kadoras rua nian ne’e hodi permite ikus mai informasoens sira bele aprofunda tan buat balun antes investmentu sira-ne’ebe nesesariu no realizasaun ita nian kadoras no mos TLNG ne’ebe atu mai Timor-Leste nune’e pasu importante ida bele dehan ita-nia esforsu.
Ministeriu Petroleu no Rekursus Minerais nafatin kompromente atu mega projetu TLNG, inklui “expoetasaun Gazodutu Greater Sunrise no instalasaun downstream ne’ebe transforma Timor-Leste ba produtor gas natural Liquifeitu –GNL rejional. Liu-husi investimentu kontinua iha enjenaria, estudu tekniku no pratika internasional di’ak liu, MPRM estabelese baze ba projetu ne’ebe lria empregu, hametin ekonomia nasional no maximiza valor husi rekursu petrolifera Timor-Leste nian ba tempu naruk.” Nia dehan.
