Reportazen Zevonia Vieira
Relasiona ho ema nain ida ne’ebe positvu ona iha fulan kotuk liuba, liu hosi konferensia imprensa ne’ebe organiza hosi Centru Integradu Jestaun Krize, Neon Metin halo konfirmasaun ba portavoz CIJK, Dr. Sergio Lobo konaba ene’ebe positivu ona ne’e,hosi parte mediku sira antes ne’e halo investigasaun ona, hodi hatene nia halo kontaktu ho ema nain hira?
Ba Neon Metin Dr. Sergio Lobo esplika katak protokolu de investigasaun ne’ebe vigora iha Ministeriu Saude, bainhira hetan ema ruma suspeitu no konfirmadu ona, tenke halo resreu ka testing ba ema hotu ne’ebe kontaktu ho nia, se nia mai ho aviaun identifika hotu ema sira ne’ebe mai ho nia iha aviaun laran, ida ne’e sira halo hotu ona no laiha problema.
Dr. Sergio hatutan se nia halo serbisu ruma ho ema seluk, tenke investiga hotu ema sira ne’e, ne’e mos halo ona, maibe bainhira halo konfirmasaun ho pasiente nee, nia halo serbisu mesak. Konsege mos halo investigasaun ho ema ida ne’ebe hela hamutuk ho nia, Senhora ne’e mos voluntariumente mai halo ona testing no rezultadu hatudu katak negativu hotu.
Liu hosi konferensia ne’e Dr. Sergio mos hateten katak iha dadus nebe dehan virus ne’e bele daet hosi ema sira ne’ebe sedauk iha sintomas, ho nune ba sidadaun hotu atu evita liman kona bebeik oin no governu sempre rekomena tama loza sira ne’e, sempre uza maskra.
“Husu ba komunidade tomak atu identidika maluk sira ne’ebe tama illegal, bele hatoo mai 119 ka xefe suku no xefe aldeia, para ajuda parte Ministeriu Saude ba halo teste ka screening , tanba ne’e ba ita hotu nian diak”, hateten Dr. Sergio iha CDD, 05/03
