Home Saude Chloroquine no hydroxychloroquine Kura Covid-19? Dr.Sergio: Se WHO Hetan Ona Provas Bele...

Chloroquine no hydroxychloroquine Kura Covid-19? Dr.Sergio: Se WHO Hetan Ona Provas Bele Rekomenda

561
0
Aimoruk Chloroquine

Reportazen Zevonia Vieira

Pandemia virus Corona ne’ebe sai atensaun iha mundu global, parte protokolu sira hos mediku sira no univerisdade halo experiment hodi buka aimoruk sira ne’ebe bele kura ema sira ne’ebe konaba virus Corona.

Ho aimoruk sira ne’ebe mak sai teste ka experiment hanesan Chloroquine no Heberon Alpha B, protokolu sira halo esforsu karik bele fo rezultadu diak?

Neon Metin halo klarifikasaun konaba aimoruk Cloroquine no Heberon, karik governu iha ona hanoin prepara aimoruk refere? portavoz Centru Integradu Jestaun Krize [CIJK], Dr. Rui Sergio Lobo hatan ba Neon Metin katak konaba aimoruk iha protokolu barak kada nasaun koko ninian ka halo experiment , kada universdade no ospital balun rezultadu diak balun la dun diak.

“Ita hotu kaer padraun ne’ebe World Health Organization [WHO] rekomenda, ate agora iha protokolu barak ema propoin ona no agora sira halo hela teste ba aimoruk sira ne’e, hodi prova aimoruk ne’e bele kura ka lae. Kuandu WHO hetan ona provas katak aimoruk ne’e bele kura ka efetivu duni, sira  bele rekomenda ona. Agora sira rekomenda mak aimoruk Heberon Alpha B kombina ho Cloroquine no Cloroquine kombina fali ho aimoruk sira seluk hodi halo teste”, esplika Dr. Sergio Lobo iha centru media, CCD, 05/03.

Iha parte sorin tuir informasaun hosi Food and Drug Administration [FDA], konkorda ona aimoruk rua anti-malaria, Chloroquine no hydroxychloroquine nudar aimoruk emerjensia ba virus Corona.

Hanesan informasaun ne’ebe publika ih Forbes, Chloroquine no hydroxychloroquine bele sai hanesan reseita aimoruk ba pasiente sira ne’ebe mak baixa iha ospital

Hosi Department of Health and Human Services [HHS] relata katak kompania aimoruk Sandoz – Jerman, fo ona tokon 30 dosis hydroxychloroquine ba Strategic National Stockpile, hodi rezerva ba mediku governu nian, hodi bele uza iha situasaun emerjensia ba saude publiku, no hosi parte Bayer nian oferese ona tokon 1 dosis aimoruk Chloroquine

“Aimoruk ne’e iha ona ninia efetivu balun bainhira halo tratamentu ba pasiente Covid-19 ne’ebe baixa iha ospital, maibe presiza halo teste klinis hodi bele hatudu faktus mediku nian katak hosi tratamentu uza aimoruk ne’e efetivu”, hateten HHS

LEAVE A REPLY

Please enter your comment!
Please enter your name here