Home Notisia Vasina COVID-19 Iha Ona, PM Taur Sei Simu Uluk, Ministra Odete Hatete

Vasina COVID-19 Iha Ona, PM Taur Sei Simu Uluk, Ministra Odete Hatete

204
0
Vasina AstraZeneca To'o iha Dili (Foto: Frans JDA)

Reportajen Francisco JDA

Relasiona ho Moras Pandemia Covid-19 ne’ebé afeta ba mundu tomak inklui Timor-Leste nia kazu positivu kada loron aumenta, tan ne’e governu Timor-Leste liu hosi rekomendasaun Organizasaun Mundiál Saúde ( OMS)  prefere hodi sosa Vasina AstraZeneca, nune’e ohin loron 5, Abríl Vasina AstraZeneca too ona iha Timor Leste, ne’ebé entrega direita hosi UNICEF no Organizasaun Mundial Saude (OMS) nian.

Iha Dikursu Ministra Saúde Dra. Odete Belo hatete katak, la’ós fasil lori vasina ne’e mai too iha Timor-Leste. Maibé serbisu hamutuk ho doadores internasionál sira nune’e ohin vasina too duni iha Timor-Leste.

“Ita sucesu tebetebes iha prevensaun Covid nian. Bainhira ita luta kontra Covid-19 iha tempu hanesan ita mós hakarak lori vasina mai,  ida ne’e akontese duni, maibé ita infrenta nafatin problema seluk mak oinsá bele konvense no muda atetude sira, atu bele simu Vasina,” hateten Ministra Saúde Dra. Odete Belo iha Aeroportu Internasionál Nicolau Lobato, ohin, 05/ 04.

Ministra Saúde Dra. Odete Belo realsa  tan dehan vasina too ona iha Timor-Leste nune’e ema ne’ebé sei simu vasina dala uluk mak Primeiru Ministro Taur Matan Ruak. Ne’e atu hatudu katak vasina ne’e seguru no kualidade, tan ne’e husu ema hotu tau iha konsensia katak  atu labele moras todan, labele ba ICU (Intensive Care Unit) no uza ventilator. Mai simu vasina atu moras ne’e labele todan ba ita, bainhira virus ne’e afeta ita.

Sorin seluk liu hosi komunikadu Imprensa ne’ebé Neon Metin asesu liu hosi Ambasador Uniaun Europeia, Andrew Jacobs hateten katak nia senti haksolok tebes tanba ohin loron iha ona fornesimentu dauluk  ba vasina COVAX nian mai Dili. Ne’e hanesan ilustrasaun di’ak ida kona ba soliedariedade global ne’e mak hahalok servisu hamutuk lolos nune’e UE orgulho hamutuk ho Timor-Leste, OMS, no UNICEF, inklui mós kontribuente sira seluk.

Liu hosi Observasaun Neon Metin iha terenu nota katak, vasina Refere tula ho Aviaun My Indo Airlines, tun iha Oras 01:10 lokraik, simu ho lia dadolin hosi Lian Nain sira inklui mós bensaun hosi Padre.

Konsellu Ministru aprova Rezolusaun Governo nian ida iha 15 Fevereiru 2021 kona ba Planu Nasional ba Vasinasaun kontra COVID-19. Planu Nasional aprezenta hosi Ministra Solidariedade Social no Inkluzaun, Armanda Berta dos Santos. Iha planu preve tiha ona katak faze dahuluk vasina nian sei fo ba populasaun 8%. Hosi pursentu ida ne’e, 3% sei fo ba trabalhador sira iha linha frente. Sira ne’e mak funsionariu sira mak serbisu iha unidade quarantena no izolamentu, no mos iha portu entrada sira hanesan aeroportu, posto no fronteira tereste. No 5% sei fob a populasaun sira mak hela iha area fronteira tereste no ema sira mak iha patolojia sira mak konsidera nudar iha risku.

Pursentu 12 sei fo ba populasaun sira mak ho idade 60 ba leten, liliu sira mak hela iha RAEOA, Dili, Covalima no Bobonaro. Ne’e sei inklui mos profesionais saude, profesores no pesoal hosi konfisaun relijiosa nian.

Print Friendly, PDF & Email

LEAVE A REPLY

Please enter your comment!
Please enter your name here