Reportazen Zevonia Vieira
Centru Integradu Jestaun Krize (CIJK) relata informasaun konaba moras surtu Covid-19 iha Timor-Leste ba loron 11 Maiu nian, liu hosi konferensia imprensa Portavoz CIJK, Dr. Rui Araujo hateten total kumulativu kazu konfirmadu nafatin nain 24, kazu konfirmadu foun ba laiha. Total kazu rekuperadu ka kuradu hamutuk nain 22 katak hosi kazu konfirmadu positivu nain 18 no nain 4 provavel.
Total kazu konfirmadu ema nain 6 mak sei hela isolamentu Vera Cruz, total kumulativu exame laboratoriu hamutuk nain 922 kompara ho horseik iha 909. Total kumulativu hein rezultadu laboratoriu iha nain 117 horseik iha nain 104. Ba total kumulativu rezultadu laboratiu negative nafatin nain 781.
Relasiona ho ema iha kuarentena obrigatoriu iha Dili nain 68, iha municipiu sira seluk nain 28. Ba auto-kuarentena iha Dili nain 3.
Ba ema ne’ebe liu ona loron 14 uha kuarentena hamutuk 2162, iha Dili nain 1686 no iha municipiu sira sleuk nain 476.
