Home Justisa Serbisu Tribunal Hahu Lao Normal, Baucau Ho Viqueque Konsege Finaliza Kazu 50...

Serbisu Tribunal Hahu Lao Normal, Baucau Ho Viqueque Konsege Finaliza Kazu 50 Iha Tribunal

346
0
Prezidente Tribunal Rekursu (PTR), Deolindo dos Santos. [Foto: Santina Lucia da Costa | 21.07.2020]

Reportazen Santina Lucia da Costa

Prezidente Tribunal Rekursu (PTR), Deolindo dos Santos informa ba Prezidente da Republika, Dr. Francisco Guterres Lu-Olo konaba serbisu Tribunal nian ne’ebe lao normal no Juiz sira mos fila ona ba sira nia fatin komesa halao serbisu.

“Prosesu serbisu Tribunal lao normal, depois de fim estadu emerjensia ne’e, juiz hot-hotu fila ba nia fatin ona, sira komesa serbisu ona, iha tan mudansa sira ne’ebe mak halo atu ajuda serbisu Tribunal nian, sira hotu esforsu para atu finaliza prosesu sira ne’e, ho forma ne’ebe lalais uituan tuir kondisaun ida-idak ninian”, dehan Juiz Deolindo dos Santos ba Jornalista sira hafoin enkontru mensal ho Prezidente Republika iha Palasiu Prezidensial, Nicolau Lobatu, Aitarak-Laran, loro, 21/7.

Prezidente Tribunal Rekursu hato’o mos ba Prezidente da Republika konaba feriadu sosial, husi loron 1 Agustu to’o 15 Setembru 2020, nia implikasaun katak, iha prosesu balun ne’ebe ho nia karakter urjente mak Tribunal sei hala’o ka prosesu sira ne’ebe juiz sira marka tiha ona, atu evita pera de prova entaun tenke halo para atu prosesu ne’e finaliza.

Juiz Deolindo haktuir husi mapa ba ferias juiz sira nian ne’ebe konsellu aprova iha Sesta-feira liu ba hatudu katak maioria Juiz sira la foti ferias durante feriadu ofisial, ho objetivu katak sira hakarak finaliza prosesu balun durante periodu ida ne’e, tanba durante fulan tolu, iha situasaun estadu emerjensia prosesu pendente ne’ebe ke akumula hela iha Tribunal.

Deolindo informa katak Tribunal movel lao fali ona iha Suai no Baucau, iha Viqueque no Maliana mos komesa lao. Iha Baucau no Viqueque lori julgamentu ba kazu mais menus 50 no konsege finaliza hotu.

Iha Maliana julgamentu ba kazu 50 resin, prosesu lao metade ona, ida ne’e tanba iha periodu estadu emerjensia iha difikuldade ema atu desloka.

Juiz Deolindo konfesa katak atu masimiza funsionamentu Tribunal movel, maibe iha difikuldade ho orsamentu tanba lao hela ho system duodesimu

“Ami iha difikuldade orsamentu uituan oinsa halo pedidu ba Primeiru Ministru atu haree ida ne’e, para atu bele fasilita ba Juiz sira, apartir loron 15 tempu ba oin, tanba juramentu movel ne’e, meius ida atu prosesu pendente ne’ebe mak iha”, dehan Deolindo.

Print Friendly, PDF & Email

LEAVE A REPLY

Please enter your comment!
Please enter your name here