Reportazen Francisco JDA
Relasiona karreta ambulansia hodi tula ema moras, ne’ebe dadaun ne’e balun at no la bele funsiona atu tula ema moras sira ba iha Ospital Referal sira, sai dezafiu boot ba sosiedade sira, bainhira hetan moras liu-liu iha area rural sira.
Liu hosi diskusaun plenaria iha uma fukun Parlamentu Nasional, deputada hosi bankada UDT/Frente Mudansa, Isabel Ximenes deklara katak hafoin simu informasaun hosi komunidade iha Postu Admistrativu Laga, ambulansia ne’ebé tinan barak ona, liu liu tinan tolu ikus, sira la iha asesu ba ambulansia.
“Moras ne’ebé hosi aldeia rural, Laga Atelari, atu tesik mai lori moras ne’e mai, susar tebes tenke uza fali komunidade ninia kareta Angguna ka Mikrolet, hodi tula moras to’o mai iha Baucau vila”, Isabel Ximenes iha Parlamentu Nasionál, 14/07
Deputada Isabel Ximenes reforsa tan katak, Komando Polísia Admistrativu Laga nian ba karreta Patrolhamentu Polísia nian mós kleur ona at, foin dadauk iha Covid-19 ne’e, sira labele kontrola to’o Baguia tanba sira nia karreta rasik at no labele halo movimentasaun.
