Reportazen Adroaldo “Saretukau”
Assosiasaun TANE Konsumidor realiza mini konferensia ho emprezariu Xines sira nian, ne’ebe hamohan-an iha asosiasaun sira emprezarial Xina sira nian iha Timor-Leste.
Liu hosi eventu refere Prezidente Asosiasaun TANE Konsumidor hateten katak Asosiaaun TANE Konsumidor nia misaun, mak atu fo advokasia ba konsumidor sira, konabá direitu konsumidor sira nian, nomos atu fo protesaun ba konsumidor sira nia direitu, protesaun ba interese ekonómiku estadu nian, interese ekonómiku aktividade seitor privadu no direitu komersiante Xinés sira nian, tanba ne’e Lei atu proteze, atu ita nafatin servisu ba parte hotu.
Prezidente António Ramos da Silva hateten mosAsosiasaun proteze mos direitu ba komersiante sira, atu komprende Lei, nune’e bele ajuda iha dezenvolvimentu no ajuda konsumidor sira.
“Komersiante sira komprende konabá direitus konsumidores sira, nune’e konsumnidor sira komprende konabá sira nia dever, atu nune’e ita hotu hamutuk hodi dezenvolve nasaun ida ne’e no dezenvolve ita nia relasaun di’ak, liu-liu governu Timor-Leste ho Xina ne’ebé iha relasaun di’ak”, hateten Antonio iha salaun Chines Merchants Union Timor-Leste, Hudi Laran, 15/07
Nia hateten objetivu hosi sorumtu ida ne’e, atu ita bele komprende malu, tanba dala ruma hetan complain hosi konsumidor sira no presiza fo informasaun ba malu, nudar dever atu esplika konabá lei no regulamentu sira
Ikus liu Prezidente TANE Konsumidor agradese ba partisipante sira, atu mai hanoin hamutuk, oinsá mak sira hato’o mensajen, hato’o leis no prinsípius sira hotu atu proteze, liu-liu konsumidor sira.
Iha fatin hanesan Prezidente Asosiasaun Komersial da Komunidade Xineza Timor Oan (ACCCTO) Katlin Goncalves hateten Lei sira ne’e presiza sosializa ba loza nain sira, hodi nune’e sira bele komprende.
Katlin mos hateten Asosiasaun Emprezáriu Xineza Timor-Leste nian atu motiva Asosiasaun Joven Emprezáriu Timor-Leste no Asosiasaun komersial ba komunidade Xineza Timor oan, atu bele partisipa iha vida hanesan emprezariu.
Katlin hateten objetivu sira ne’e, hodi bele defende konsumidores, liu-liu ba direitus lejítimu konsumidor nian, hanensan ita nia Lei inan RDTL nú.2 artigu 53, ne’ebé hakerek oinsá atu fó protesaun, atu defende konsumidor sira, ba sira nia direitu no mós sira nia deveres.
“Relasaun entre vendedores ho konsumidores tenke bazeia ba Lei, tuir étika moral no respeitu. Ita bele komprende liut tan konabá saída mak ita nia direitu, saída mak ita nia deveres. Ho ida ne’e lori ona inisiativu lubuk ida mai ita nia emprezáriu sira, ne’ebé halo negósiu iha Timor-Leste”, hateten Katlin.
Nia fiar katak liu hosi soru mutu ida ne’e, bele hetan informasaun, hodi nune’e negósiu amante iha Timor-Leste bele sai di’ak liu.
Iha mini konferensia ne’e hetan partisipasaun hosi organizasaun CUAT, Federationof Chinese Professional Association in Timor-Leste no Associação Comerciante Comunidade Chines Timor Oan, ne’ebé hamahan-an iha asosiasaun emprezariál Xina iha Timor-Leste.
