Reportazen David da Costa Gusmao
Liu husi zoom conference Koodenador Forsa-Tarefa no Mitigasaun surtu COVID-19 iha Timor-Leste Dr. Rui Maria de Araujo ba jornalista sira informa katak husi kazu konfirmadu 2 ne’ebe horiseik loron 13/03 relata, no mos vigilansia sentinel, ekipa konjunta saude rekolle amostra hamutuk 119. Hosi 119 amostras, nain 4 maka pozitivu no sira ne’e hotu profisional saude iha Centro Saude Wailili.
“Ho nune’e, iha munisipiu Baucau iha Cluster rua, Cluster Caibada kazu detetadu 2, ida iha loron Marsu, ida horiseik iha loron 13 Marsu. Cluster rua mak Centru Saude Wailili iha Kazu detetadu 4”, dehan Dr. Rui liu husi zoom conerence iha loron 14/03.
Nia eeplika amostra hirak ne’ebe foti iha loron 10 no 11 Marsu iha Baucau, hamutuk 132 horseik relata ona katak 37 maka sei hein rezultadu husi laboratoriu, maibe ohin hakarak relata katak 37 ne’e negativu hotu.
Nia haktuir tan estudante ema Baucau, ne’ebe estuda Instituto Ciencias Saude iha Dili, hela iha aldeia Fomento 3, Suku Comoro. Husi atividade buka tuir ninia kontaktu-besik maka hetan kazu konfirmadu foun ne’ebe ohin relata o iha Munisipiu Dili.
Nia salienta tan Estudante medisina ne’ebe halo estajiu iha Hospital Referensia Eduardo Ximenes Baucau, ne’ebe detetadu pozitivu horiseik, iha loron 7 Marsu, Domingo liu ba, halo viajen husi Dili ba Baucau iha tuku 3h30 loraik, husi terminal Becora. To’o iha Vemasse, bus ne’ebe nia sa’e, hetandezastre. Bus ne’e naran Albatroz. Hafoin, passajeiru sira hotu sa’e fali bus seluk husi Vemasse ba Baucau. Bus ida ne’e, nia la hatene naran.
Nia Apela ba populasaun ne’ebe sente-an sa’e bus rua ne’e iha loron 7 Marsu husi Dili ba Baucau, inklui hira ne’e tun husi bus ne’e molok to’o Vemase ka Baucau, favor aprezenta-an iha autoridade saude sira iha Centru Saude besik-liu, atu bele hetan atendimentu.
