Reportazen Francisco JDA
Família matebian Olga Mendonca hato’o agradese ba apoio hosi parte Ministeriu Saúde (MS) no Xanana Gusmao tanba fo ona Kaixaun atu haloot mate isin, hodi bele hakoi tuir duni kultura, mesmu la maximo maibé senti kontenti tanba familia hotu bele hamutuk no hakoi ho dignu
Familia Matebian, Natalino Cortereal ba jornalista sira tenik iha parte balun senti triste oituan, tanba ho situasaun COVID-19, tuir lolos familia labele tama sa tan COVID-19 ne’ebe fo risku, maibé situasaun mak hanesan ne’e, tanba tuir protokolu saúde, familia labele tama maibé ohin familia mós tama hotu ba laran.
“Ami senti susar oituan tanba moras COVID ne’e fo risku ba ita, ho situasaun ohin ne’e tanba tuir protokolu saúd,e familia labele besik kaixaun ida ne’e mak ami senti triste,” hateten Natalino Cortereal iha simiteriu Bekusi, 23/04
Natalino reforsa tan, maske ekipa saúde ohin presiza familia hanesan oan sira tama hotu ba besik kaixaun lolos ne’e iha risku no labele atu tama, maibé ida ne’e mak realidade.
Nia afirma tan, se karik Ministeriu Saúde atu presiza halo swab test ba família sira, prontu atu koopera, tanba saúde iha ema ida-idak nia liman, se la koopera sei la deskobre buat ruma iha ita nia an rasik.
