Reportajen Zevonia Vieira
Ohin Ministeriu Saude (MS) deteta tan kazu konfirmandu COVID-19 hamutk 281 (iha Dili 212, Covalima nain 19, Manatuto iha 16, Baucau nain 15, Manufahi nain 13 no municipiu seluk nain 6), no rejista kazu obitu nain 4.
Liuhusi komunikadu imprensa, Koordenador Forsa-Tarefa ba Prevensaun no Mitigasaun Surtu COVID-19, Dr. Rui Araujo relata ba jornalista sira katak MS deteta kazu konfirmandu foun hamutuk 281 no obitu ka kazu mate nain 4.
Nia dehan kazu detadu foun ne’ebe relata iha loron 21 Agostu mane hamutuk 176 no feto nain 105. Husi total kazu detetadu foun ohin, hirak ho idade tinan ho idade 60 nain 14, total kazu detetadu foun ohin, 86 kazus ka 30,6% maka sintomátiku (hatudu sintomas).
Kazu rekuperadu nain 71, total kazu ativu ohin iha nain 3.088, total kazu konfirmadu kumulativu sura husi 21 Marsu 2020 to’o ohin loeon hamutuk 13.981.
