Reportajen David da Costa Gusmao
Governu liu hosi Komisaun Inte -Ministerial ba Implementasaun Vasinasaun COVID- 19 nian, Dra. Maria Santina de Jesus Gomes hateten hare ba númeru kazu COVID-19 ne’ebé sae maka’as iha rai laran , inklui mos kapitál Dili, ho nune’e apela ba populasaun sira ne’ebéé mak elejivel atu simu sira nia vasina, hodi bele próteze sira nia-an husi forma grave no mate tanba COVID-19.
“Ami husu ba populasaun sira ne ebé mak idade ho tinan 18 ba leten, liu-liu ba sira ne’ebe mak idade tinan 60 no iha komplikasaun moras oioin , atu bele simu sira nia vasina lalais, no próteze sira-an, tanba vasinasaun kontra moras mak dalan diak liu ba ita hotu nia protesaun kontra moras ne’ebé grave no mos mate,” dehan Porta Voz Dra. Maria, Iha Salaun MSSI Kaikoli, Kinta 26/08.
Iha numeru kasu ne’ebe aumenta ho Covid-19 iha hospital desde pandemia Covid-19 hahu. Timor-Leste Iha faze vasinasaun ba nia ema sira ho elejivel hodi proteje nia nasaun hodi kontra moras ne’e.
Nia esplika, estatístika atuál hatudu katak númeru ba sira ne’ebé mak la simu vasinasaun, no hetan moras COVID-19 iha semana foin liu ba ne’e, liu dobru fali sira ne ebé mak hetan vasina ona.
“Maioria husi sira ne’ebéé mate ona mos mai husi sira ne’ebéé mak seidauk hetan vasina, Ita mos haree katak sira ne’ebéé vasina ona iha sintomas ne’ebe ladun grave, no la iha tan dalan seluk atu dehan katak hetan vasina hasoru COVID-19 ne’e nu’udar interese ba ema hotu ne ebé mak elejivel atu simu,” nia dehan.
Nia haktuir governu kontinua fornese vasina COVID-19 nian iha sentru saúde sira, no mós pontu imunizasaun sira ne’ebéé mak defini ona iha territóriu tomak , ho kampaña surtu ne’ebé mak agora daudaun la’o hela iha munisipiu seluk inklui Baucau no Ermera .
To’o ohin loron , total hamutuk ema nain 380,300 mak simu ona doze dahuluk vasina COVID-19 , no ema hamutuk nain 187,600 mak simu ona sira nia doze daruak iha Timor – Leste.
