Home Notisia Ba Futuru Kapasita Feto Iha Municipiu, Hodi Hakbiit Feto Lokal Partisipa Iha...

Ba Futuru Kapasita Feto Iha Municipiu, Hodi Hakbiit Feto Lokal Partisipa Iha Desentralizasaun

439
0
Seminariu Lidernsa Feto Iha Municipio iha Hotel Ramelau. [Foto: Copyright AF de Fátima | 20.10.2019]

Reportazen Zevonia Vieira 

“Ami fo ona treinamentu hodi kapasita feto potensial sira hamutuk nain 19 ne’ebe mak hatudu sira nia abilidade diak, halo advokasia no mos halo ona atividades ne’ebe mak diak tebes iha sira nia komunidade”. Juliana

NGO Ba Futuru organiza seminariu konaba Lideransa Feto Iha Municipiu, objetivu hosi seminariu ne’e refleta fila fali progresu, dezafiu no pratika diak ba partisipasaun efetivu iha foti desizaun nivel munisipiu, atu hatene diak estratejia ne’ebe ejisti hosi Sekretariu Estadu Igualdade no Inkluzaun, Ministeriu Estatal no Administrasaun no Komisaun Funsaun Publiku atu asegura feto nia partisipasaun no foti desizaun iha nivel municipiu no hametin parseira no kolaborasaun ho parte interesadu sira [governu no sociedade civil] apoiu partisipasaun feto nian iha nivel municipiu.

Ba Neon Metin Diretora Ba Futuru, Juliana M hateten liu hosi seminariu refere Ba Futuru hakarak hatudu saida mak Futuru halo ona, liu hosi fundus hosi governu Japaun no Un Women, hodi fo treinamentu ba inan feto sira hosi Covalima, Baucau no RAEOA iha area lideransa, oinsa atu hakbiit feto lokal sira, hodi bele partisipa iha desentralizasaun.

Programa konaba Lidenrsa Feto Iha Municipiu refere hetan susesu diak tanba liu hosi treinamentu konaba kapasitasaun feto potensial sira, partisipantes hetan benefisiu ne’ebe positivu.

“Ami fo ona treinamentu hodi kapasita feto potensial sira hamutuk nain 19 ne’ebe mak hatudu sira nia abilidade diak, halo advokasia no mos halo ona atividades ne’ebe mak diak tebes iha sira nia komunidade. Ami nia benefisiaria ida mak feto maluk ida hosi Baucau, hosi organizasaun lokal naran Unidade Feto ba Dezenvolvimentu, nia estabelese ona nia grupu ida naran 1325 no mos halo advokasia hodi halo atuasaun ba iha situasaun konflitu ka krizi ne’ebe mak mosu iha Baucau laran”, hateten Juliana ba Neon Metin

NGO Ba Futuru iha ambisaun boot hodi halo mudansa ne’ebe signifikante ba feto sira nia partisipasaun iha lideransa, “ami iha ambisaun boot tebes hakarak valor boot tebes ba feto , bainhira iha responsabilidade ne’ebe mak boot sira hatudu duni, maske sira iha responsabilidade seluk ne;ebe mak sira halo iha uma no sira koko halo professional no balansu iha sira nia kareira”.

Liu hosi seminariu refere reprezentante hosi Sekretairu Estadu Igualdade no Inkluzaun, Diretor Jeral Descentralizasaun Administrativa [DGDA], Armando da Costa esplika katak feto nia partisipasaun iha politika lokal mak xave ba demokrsia no dezenvolvimentu sustentavel. Numeru feto mak metade hosi numeru populasaun.

“Atu hetan demokrasia ne’ebe lolos, feto presiza partisipa iha prosesu politika tomak, feto nia partisipasaun asegura katak feto nia interese reprezenta iha desizaun governu”, hateten Armando

Armando mos hatoo katak SEII involve iha divulgasaun informasaun ba politika desentralizasaun, no asegura katak feto partisipa ativu, atu hatoo sira nia lian iha enkontru sira, ne’ebe halao iha municipiu 12 no RAEOA. SEII mos apoiu kapasitasaun feto potensial, atu sai lider.

Programa ne’e realiza tanba hetan fundus aopiu hosi governu Japaun no UN Women, Programa ne’e halao iha Hotel Ramelau no hetan partisipasaun hosi governu, sosiedadi sivil no agencia internasional.

Print Friendly, PDF & Email

LEAVE A REPLY

Please enter your comment!
Please enter your name here