Home Notisia CAC: Hamutuk Kombate Korupsaun

CAC: Hamutuk Kombate Korupsaun

328
0
Komisariu CAC Sergio Hornai Koalia ba Jornalista Sira (Foto: Frans JDA)

Comisaun Anti Korupsaun (CAC) selebra loron mundial Internasional ba konbate korupsaun ho tema “Hamutuk ita Konbate Korupsaun” ho objetivu atu bolu ema hotu atu hamriik iha fileira oin nune’e bele konbate criminalidade ba crimi korupsaun no Crime konekso sira.

Tuir Comisario CAC Sergio Ornai iha intervensaun bainhira halao selebrasaun Loron Mundial Anti Korupsaun afirma, tinan-tinan nasaun hotu-hotu ne’ebe ratifika ona Konvensaun Internasional ba iha Konbate Korupsaun ninia estadu parte sira halo atividade seminar, whorkshop, no halo medida hotu ne’ebe bele kontribui ba iha konbate kriminalidade ba korupsaun ninian

“Loron ida ne’e ita atu komemora loron internasional ba iha konbate korupsaun, tema ne’ebe ita foti iha tinan ida ne’e ho Secretarido Jeral Nasoens Unidas ninian mak “Hamutuk ita Konbate Korupsaun”. Liafuan ida simples maibe ninia signifikadu klean tebes oinsa mak ita bele halo asertasaun, konprende didiak koseitu ita hamutuk konbate korupsaun nune’e bele hametin estadu de direitu democratika,” dehan Sergio iha salaun MSSI, Kaikoli (09/12).

Nia mos haforsa tan Timor-Leste nasaun ida foun, komesa maduro ona iha ninia dezenvolvimentu instituisional sira. Tinan ba tinan, komesa konsolida estadu, sosiedade civil, media komunikasaun sosial nune’e bele halo publisidade objetiva ba sidadaun sira, nune’e dezisaun hotu koletivo ligadu ba interese povo nian, sempre iha dezisaun ne’ebe fo retorno ba komunidade sira.

Selebrasaun Loron Mundial Konbate Korupsaun ne’e halao mos lansamentu ba Relatorio Arendamentu ba propriedade moveis no imoveis ninian, liu-liu ba teras propriedades. Tanba Governo mak nu’udar regulador iha obrigasaun oinsa mak bele administra riku soin metin hanesan rai, no uma. Husik hela hanesan “Aset” Nasional bele Admistra halo didiak nune’e bele fo benefisiu ba iha komunidade, bele hetan reseitas balun nune’e bele kontribui ba despeza estadu ninian hodi bele garante sustentabilidade estadu ida ne’e nian.

Iha Fatin hanesan Ministro Justica, Manuel Carceres, hatete, selebrasaun   Loron mundial Anti Korupsaun, momento diak ho hametin obrigasaun atu hametin kompromisu, espiritu ba konbate korupsaun iha Timor-Leste.

“CAC hamutuk ho Secreatriadu Estadu Teras Propriedade sei halo estudu ida konaba arendamentu propriedade estadu nian no proprioedade sira ne’ebe estadu mak admistra hela. Hosi estudu ne’e sei ajuda Ministerio Justica atu defini politika ba kontratu de arendamnetu ba imoveis estadu nian ne’e,” Carceres hatete.

Nia mos realsa tan durante fulan ida ne’e nia laran hasai ona aviso ida liu hosi Jornais, TV, Radio atu selu arendamentu do estadu ou hela iha rai estadu atu selu. Presisa regulariza situasaun ne’e, se sira la mai regulariza situasaun ne’e, estadu presisa foti dezisaun ida

LEAVE A REPLY

Please enter your comment!
Please enter your name here