Home Notisia Fundasaun Esperansa Husu Parte Relevante Investiga Klean ba Kazu Asédiu Sexual Husi...

Fundasaun Esperansa Husu Parte Relevante Investiga Klean ba Kazu Asédiu Sexual Husi Dosente UNPAZ

985
0
Diretora Fundasaun Esperansa (FE), Maria de Fatima da Costa. [Foto: Joselina | 01.08.2023]

Reportajen Joselina dos Santos

Relasiona ba akontesimentu Asediu Sexual ne’ebé dosente universidade da Paz (UNPAZ) halo hasoru nia estudante no viral iha media sosial, Fundasaun Esperansa (FE) husu ba parte kompetente hodi halo investigasaun kle’an no halo advokasia ba Universidade Privadu no Universidade Públiku atu labele akontese tan kazu asediu sexual iha Universidade.

Diretora Fundasaun Esperansa (FE), Maria de Fatima da Costa,  nu’udar mós Alumi Universidade da Paz (UNPAZ), hateten, tenke halo investigasaun ba parte rua ne’e ho klaru hafoin foti nia konkluzaun,  labele fó sala ba parte ida. Tanba tuir nia haree durante ne’e públiku sempre fó sala ba feto no instituisaun, entaun mane ne’e oinsa. Dalaruma nia hetan amiasa husi dosente ho ida ne’e tenke bolu sira tuur hamutuk hodi hatene problema ne’e nia hun hafoin fó komentariu.

“Feto sira labele tauk bainhira hetan amiasa husi dosente sira maibé tenke halo advokasia liu-liu governu sosiedade sivil ne’ebé iha kompetensia kona-ba Asediu Sexual, tenke tama sai Universidade hodi halo advokasia makaas kona-ba asediu sexual atu dosente no estudante sira bele hatene, ita labele ko’alia deit maibé la implementasaun, entaun asediu sexual ne’e  kontinua akontese iha ita nia rai,” dehan Diretora Fundasaun Esperansa (EF), Maria de Fatima da Costa ba Neon Metin iha nia knaar fatin Lahane Oriental, Tersa 1/08.

Tanba ne’e,  nia Husu ba governu  tenke forma liña advokasia entre Ministerial no ajensia nasional hodi prevene  asediu sexual iha Timor-Leste. Tanba hahalok refere fó impaktu ba estudante sira nia mentalidade psikolojikamente.

Print Friendly, PDF & Email

LEAVE A REPLY

Please enter your comment!
Please enter your name here