Home Justisa Governu Sei Harii Tan Tribunál Distritál Foun Iha Munisípiu Viqueque, Ermera...

Governu Sei Harii Tan Tribunál Distritál Foun Iha Munisípiu Viqueque, Ermera no Bobonaru

2389
0
Prezidente Tribunál Rekursus (PTR), Deolindo dos Santos. [Foto: Media PR | 01.08.2023]

Reportajen Filomena da Conceição

Prezidente  Tribunál Rekursus (PTR), Deolindo dos Santos, ohin hala’o enkontru ho  Prezidente da Repúblika  (PR) José Ramos-Horta, hodi hato’o informasaun sira kona-ba atu hari’i tan Tribunál Distritál foun tolu iha Munisípiu tolu maka hanesan Munisípiu Viqueque,  Ermera no Bobonaro.

Prezidente  Tribunál Rekursus, (PTR), Deolindo dos Santos, hateten, iha inkontru regular ne’e PR hato’o nia kestaun atu implementa lei organizasaun Judisiáriu, ne’ebé Parlamentu aprova hodi kria Tribunál primeira instansia ne’e 13 no atu  hatene mós  prosesu  atu hari’i Tribunál foun tolu iha Munisípiu Viqueque Ermera no Bobonaro.

“Ha’u atualiza mós kona-ba ba supremu nian, ne’ebé ohin hau dehan katak iha hela diskusaun no iha empreza ida internasionál manan ona kontratu, para atu halo dezenho nian, ne’ebé iha tenpu badak nia laran sei halo kontratu ne’e no depois mak sei avansa ba dezeno ba supremu nian ne’ebé ita sei hari’i iha tempu badak nia laran,” dehan Prezidente  Tribunál Rekursus, (PTR), Deolindo dos Santos, ba Jornalista sira iha Palacio prezidensiál Bairo-Pite, tersa , 01/08.

Nia haktuir, relasiona ba dezeno ba supremu ne’e sei kofirma ho entidades estadu nian hanesan ADN, obras públiku no Tribunál Rekursus rasik para atu hare’e ho di’ak tanba ne’e kona-ba supremu Tribunál, no Prisidente Tribunál Rekursus sei foti desizaun hodi halo fiskaliza ba empreza ne’ebé mak menan tenke dezeno ho di’ak.

“Ha’u rasik sei forma ho ha’u nia desizaun rasik para atu fiskaliza durante empreza ne’ebé maka menan, no prepara para atu halo dezenho ida ne’ebé mak di’ak, ida ne’e mak ha’u atualiza,” tenik nia.

Nia salienta, dezenu hirak ne’ebé dadaun ne’e la’o hela tama ona iha faze finaliza  maibé iha kestaun balun ne’ebé presiza rezolve mak iha Viqueque kona-ba problema rai nune’e sei rezolve problema refere mak finaliza dezenu ne’e.

“Kona-ba dezenu ne’e ita hakarak finaliza iha Aogustu nia laran no star iha Setembru nia laran, kuandu finaliza ona ita sei avansa  kedas ho previzaun orsamentu, kontrusaun ba fatin tolu ne’e, Viqueque, Ermera no Bobonaru ne’e iha orsamentu 2024 no laiha problema ne’ebé mak seriu orsamentu ne’e ita uza iha 2024 nian,” nia subliña..

Maibé relasaun ho kalkulasaun orsamentu refere sei halo avaliasaun tékniku no depois de avaliasaun mak sei preve orsamentu ba konstrusaun hodi harii tribunal foun ba Munisípiu tolu no dezenu ba kontrusaun ne’e husi kompañia Guterres.

Alende ne’e mós ohin PTR mai hato’o hela  ba Prezidente da Repúblika kona-ba Servisu tribunal nian ne’ebé ke la’o hela, kona-ba saida mak PTR halo, ba problema sira no solusaun ba problema sira ba oin nian. Nune’e mós relata kona-ba obra Tribunál Dili nian ba PR katak obra refere iha ona últimu de kontratu, ne’ebé iha Kontrantu ikus liu ne’e,  estabelese katak ne’e últimu de adendu laiha tan ona adendu sira seluk, no empreza ne’ebé mak hala’o konstrusaun ne’e obrigatoriu tenke hotu iha tinan ida ne’e.

Nia esplika, tuir planu rezultadu obra Tribunál Dili sei remata iha fulan Novembru tuir kontratu maibé sei estabelese to’o Dezembru, no sei uza iha fim do ano Dezembru, tanba dadaun ne’e kondisaun Tribunál  Dili la dun sufisiente ba juiz sira.

Nune’e mós, iha enkontru ne’e PTR mós atualiza ba PR katak Komesa ohin to’o dia 15 Setembru Juís sira sei feriadu no kada juíz sira iha direitu ba feriadu 25 dias no durante feriadu ne’e prosesu sira la’o  mak prosesu  sira ne’ebé urjenti de’it.

Print Friendly, PDF & Email

LEAVE A REPLY

Please enter your comment!
Please enter your name here