Reportajen David da Costa Gusmao
Konsellu Imprensa (KI), ohin atribui kartaun kredensiál vota movel ba media hamutuk 20 resin, husi media nasionál no media internasinál, ho jornalista hamutuk na’in 251, nune e iha loron 19 Marsu, jornalista sira utiliza hodi halo votasaun iha fatin ne’ebé jornalista sira hala’o kobertura.
Prezidente Interinu Konsellu Imprensa (KI), Expeditu Loro Dias Ximenes dehan kartaun kredensiál vota movel ne’e, STAE tau ona vota movel, ho ida ne’e jornalista sira ba halo kobertura, liu-liu iha loron 19 Marsu votasaun nian, jornalista sira ba kobertura iha ne’ebé deit, bele uza kartaun ne’e hodi vota iha fatin kobertura.
“Ohin ita hamutuk iha ne’e, atu simu ita nia kartaun kredensiál movel, iha ne’e STAE tau kedas katak vota movel kolega sira hahú ohin halo kobertura, liu-liu iha dia 19 Marsu ne’e iba fatin hothotu no iha munsipiu hotu kolega sira uza kartaun ida ne’e bele tuir votasaun,” dehan Prezidente Interinu KI, Espedito Loro, Iha edifisiu KI, Kintal Boot, Sexta 11/03.
Nia haktuir konaba votasaun halo tiha ona deklarasaun, no promete laos vota ba dalarua. Hanesan jornalista respeita ba kode etika jornalista iha pontu 10 ne’e, ida ke hateten katak tenke uza ba kobertuta nian.
Nune’e mós, KI husu ba jornalista sira bainhira iha terenu, iha kestaun rua maka presiza atensaun ho buat ruma ne’ ebé la loos, bele komunika mai iha KI, ou direta ba iha SATE no CNE ne’ebé mak iha terenu
“Porque kartaun kredensial ne’e iha siginfikadu ne’ebé boot, laos ema naran-naran bele simu kartaun ne’e, maibe jornalista maka bele simu, tanba ita halo serbisu ba públiku, ita la hala’o servisu ba kandıdatu ida ita la hala’o serbisu ba partidu ida.”tenik nia.
Nune’e Konsellu Impresa sempre promove jurnalismu ba paz, no la hamosu konflitu liuhusi kobertura ne’ebe halo, filtra liafuan sira ne’ebe bele interrompe instabilidade
