Home Notisia Jacinto: Independénsia Timor Sai Impaktu Boot ba Repúblika Unitáriu Indonesia nian

Jacinto: Independénsia Timor Sai Impaktu Boot ba Repúblika Unitáriu Indonesia nian

529
0
Prezidente Asosiasaun Ex-Prisonérios Políticos (ASSEPOL), Jacinto Alves. [Foto: Silvino | 07.12.2021]

Reportajen Silvino Freitas

Timor nia independénsia bele inspira illa sira iha Indonesia, hodi sai nasaun independente, tanba ne’e ho ambisaun Indonesia impede Independénsia Timor liu husi Invazaun iha 7 Dezembru 1975, ne’ebé mak hetan apoiu husi nia Aliadu Amérika.

Prezidente Asosiasaun  Ex-Prisonérios Políticos (ASSEPOL), Jacinto das Neves liu husi mini-semináriu ho tema “memorializasaun nu’udar espasu ba tranzmisaun valor sira rezisténsia nian” ne’ebé mak realiza iha salaun CNC Balide, nia haktuir Indonesia hanesan nasaun repúblika arkipélagu, nasaun ida ne’ebé mak kompostu husi illa sira mak kompoin Indonesia sai nasaun ida.

“Timor hela ajustamente iha illa sira ne’e nia klaran, karik Timor mak sai independente entaun sai fali inspirasaun ba illa sira ne’e hotu atu hakarak mos independente” haktuir Prezidente ASSEPOL Jacinto das Neves, iha ámbitu mini-semináriu iha salaun CNC Balide, 07/12.

Nia haktuir tan katak iha Indonesia nia laran, iha movimentu barak mak hakarak independénsia hanesan Repúblika Maluku-Selatan, Organisasi Papua Merdeka no Aceh, nune Indonesia konsidera Independénsia Timor, sai ameasa boot ba seguransa nasionál Indonesia nian.

“Independénsia Timor sai impaktu boot ba Repúblika Unitáriu Indonesia nian, tanba ne’e duni mak nia buka atu impede” nia esplika.

Entretantu nia dehan  komunista sai hanesan justifikasaun ba Indonesia, hodi invade Timor iha 7 Dezembru 1975, nune Indonesia bele hetan apoiu husi Amérika kona ba nia invazaun ilegál iha Timor.

Hare husi kontestu mundiál Amérika lakon funu iha Asia, liu liu ho nasaun komunista sira hanesan Vietnam, Laos ho Cambodia no seluk tan, ne’ebé mak adopta ideolojia komunista iha nia nasaun rasik.

Bainhira nasaun sira iha Ásia sai hotu ona nasaun komunista entaun Amérika konsente katak ninia influensia iha Ásia lakon ona, entaun mosu Indonesia ne’ebé mak bele trava espansaun komunista nune Amérika buka hodi halo aliadu ho Indonesia no ikus mai halo invazaun hodi impede independénsia Timor nian.

“Komunizmu ne’e dezenvolve an makaas liu iha tinan 1975 nia rohan, entaun ameasa boot ida ba Amérika hodi influensia mundu ne’e, atu bele halo invazaun territoriál ba Timor, entaun Indonesia buka hodi esplora ba liafuan Komunizmu” nia konklui

Esplorasaun komunizmu sai hanesan métodu ida atu Indonesia hetan apoiu simpatia nasionál, tamba iha 1965 Soeharto hatun rejime Komunista, hodi hatudu ba mundu katak povu Indonesia anti-komunista, nune kuandu Indonesia invade Timor, tanba komunizmu bele hetan apoiu no simpatia iha nasaun nia laran.

“Aumesmu tempo nia mos buka apoiu internasionál hanesan Amérika nune nia lansa komunizmu atu Amérika haree Indonesia hanesan forsa ida atu trava avansu komunizmu nian” nia hakotu.

Print Friendly, PDF & Email

LEAVE A REPLY

Please enter your comment!
Please enter your name here