Home Notisia RENETIL Iha RAEOA Hetan Pose, Russo: Jura Ba Libertasaun Total no Kompleta...

RENETIL Iha RAEOA Hetan Pose, Russo: Jura Ba Libertasaun Total no Kompleta Ba Ema Hotu

633
0
Sekretariu Jeral RENETIL, J. Russuo Fonseca, halo diskursu ba tomada de posse (Foto: Zevonia Vieira)

RENETIL fo tomada de posse ba strututra RENETIL iha RAEOA, liu hosi seremonia tomada de posse ne’e, Sekretariu Jeral RENETIL, Joaquim “Russo” Fonseca iha deskursu hateten, iha istoria naruk liga ho RENETIL nia kontribuisaun ba luta ukun rasik an, ne’ebe estudante Timor-oan sira iha Indonezia hamrik hamutuk hodi hakilar no luta.

Russo mos hateten uluk ema hateten povu maubere la hatene hakerek, la hatene lee, ain tanan deit, maibe ita muda ida ne’e, hodi indentifika ita nia an katak povu ida ne’e hakarak luta hodi liberta nia an.

“Lia fuan Atoni iha tempu rezistensia nia laran, iha signifikadu simboliku ida importante tebes. Atu hafanun ema hodi dehan beik to’o iha ne’e deit, kiak ne’e to’o ona, agora buka hodi liberta an no libertasaun do povu. Tanba ne’e ohin loron hau haksolok tebes hamutuk ho Diresaun Central, mai hamutuk iha Oecusse atu ita inagura loron ne’ebe nukliu RENETIL nian hamrik iha Oecusse”, hateten Russo, iha RAEOA 10/12.

Eiz diplomata iha rai Englatera ne’e mos hateten, sekarik ita bele servisu hamutuk, iha potensia boot atu bele lao ba oin. RENETIL mos eziste iha partidu hotu. Iha tempu ida maun Xanana hateten, “imi RENETIL ne’e hanesan imi tur iha vidru laran, imi hateke malu, maibe imi koalia ba malu mos la rona, tanba vidru metin hela. Se imi hakarak halo diak ba imi nia rain, imi fera tiha vidru, imi hakat sai ba liur no koalia ba malu. Entaun bele hatene idak-idak nia intensaun ne’e saida, se ida  halo salah karik, hase netik, se ita hotu koalia ba malu, ita nia rain ne’e bele lao ba oin. Membru RENETIL jura ba buat ida deit katak libertasaun total no kompleta ba ema hotu, entaun ita labele haketak an no bazea ba partidu ka grupu seluk”.

Russo mos hatoo nia lia menon ba membru RENETIL sira iha RAEOA nian katak Membru RENETIL sira tenke iha kbiit atu bele distinji iha area ne’ebe mak nia halao ba. Se nia politiku, tenke halo politiku lolos, se nia funsionariu publiku, nia tenke sai funsionariu publiku lolos no labele politiza nia servisu. Ida ne’e tenke sai prinsipiu fundamental membru RENETIL nian

Liu hosi seremonia ne’e Sekertariu Jeral RENETIL ho strutura fo posse no halo juramentu, ba strutura RENETIL RAEOA hamutuk 18, mane 16 no feto 2. Juramentu ne’e atu halo atu membru sira kumpri prinsipiu RENETI nian, regras no politika ne’ebe mak RENETIL kaer metin ona iha kedas hosi tempu hamrik nudar organizasaun estudantil no juvenile nian.

 

LEAVE A REPLY

Please enter your comment!
Please enter your name here