Home Notisia Períodu Eleisaun, Akara: Jornalista Tenke Hatudu Imparsialidade no Hakru’uk Ba Kode Etik

Períodu Eleisaun, Akara: Jornalista Tenke Hatudu Imparsialidade no Hakru’uk Ba Kode Etik

796
0
Sekretáriu Estadu Komunikasaun Sosial (SEKOMS), Mericio Juvinal do Reis Akara. [Foto: Silvino | 10.02.2022]

Reportajen Silvino Freitas

Sekretáriu Estadu Komunikasaun Sosial (SEKOMS), Mericio Juvinal do Reis Akara, sujere ba jornalista media hotu, atu labele iha intervensaun polítika no ekonomia ba liberdade independénsia editorial, jornalista tenke hatudu nia imparsialidade profisionalizmu no hakru’uk de’it ba kódigu konduta jornalizmu nian.

Tuir Mericio momentu eleisaun mak sei halo teste diak liu ba liberdade independénsia editorial espesiálmente tinan 2022-2023.

“Iha tinan ne’e no tinan oin mak tempu atu teste ba liberdade indepedensia no editorial, durante kampana tinan ne’e no tinan oin mak iha intervensaun politika no ekonomia ka lae, tinan rua ne’e mak halo teste lolos” dehan SEKOMS Mericio Akara, hafoin halo lansamentu ba livru planu estratejiku KI, iha salaun KI Kintal-boot, (10/02).

Nia dehan tan daudaun ne’e komesa iha partido politiku ne’ebé mak mobiliza media hodi halo kobertura ba atividade partido nian, nunee sira hahu halo transzaksaun ba fatin no transporte.

“Hau dehan tan labele lakon idealizmu independénsia editorial, karik ita lakon ona entaun ita gagal mak sei barak” nia dehan.

Nia konklui katak tinan 2022 no 2023 mak sei teste ba misaun vizaun no brani media nian iha liberdade independénsia editorial, tempu agora jornalista hotu iha media tantu jornál, online, radio no televizaun, tenke hatudu imparsialidade profisionalizmu aas ida ne’e momentu diak atu hatudu, jornalista lebele tauk kualkér intervensaun politika iha independénsia editorial, jornalista rasik mak deside atu halo notísia iha area ida ne’ebé no konsellu redasaun mak deside.

Print Friendly, PDF & Email

LEAVE A REPLY

Please enter your comment!
Please enter your name here