Home Notisia Salaun Enkontru Sede CNRT Ahi Han, Tanba Sirkuit Hosi AC

Salaun Enkontru Sede CNRT Ahi Han, Tanba Sirkuit Hosi AC

1372
0
Salaun enkontru sede CNRT ahi han. [Foto: Francisco JDA | 20.01.2020]

Reportazen Francisco JDA

Iha dadersan mais ou menus iha oras tuku 12:00otl, sede partidu CNRT hetan ai-han iha salão reuniaun Congresu Nasional Recontrusaun de Timor Leste [CNRT], bairo Grilhos, 20/01.

Bainhira jornalista Neon Metin halo konfirmasaun iha sede CNRT, Segundu Vise Sekretariu CDN partidu CNRT, Francisco dos Santos esplika katak sirkuit hosi AC, maibe ahi han la dun grave no suar la makaas, no bombeiros mos mai halo kedas prevensaun.

“Iha fatin ne’ebe ahi han mak iha suar makas, maibe la iha buat ida no sasan ne’ebe hetan estragus mak AC 1, Kadeira 2, Janela ho plafon 2 konsege ahi han mutuk. Hau direita duni iha ne’e, hau hare akontesimentu ida ne’e i hau rasik mak telefone duni ba iha bombeiros sira, responde kedas 30 minutos, nune’e mos ami nia kuadrus sira iha ne’e hotu. Sirkuit murni hosi AC eletrik”, dehan Francisco iha Sede CNRT bahiro do Grilhos.

Nia mos realsa tan katak, Secretario Jeral Partidu CNRT, Francisco Kalbuady hatene ona informasaun ne’e, tanba Secretario mai akompanha direita situasaun refere.

“Husu ba Militante partidu nian no simpatisantes partidu CNRT nian hotu-hotu labele paniku ida ne’e normal bele ahi mos bele akontese iha nia uma no mos iha maun alin sira nia uma nune’e la iha buat seluk mak akontese iha fatin ida ne’e” tenik Fransisco

Tuir observasaun hosi Neon Metin hare katak sasan sira ne’ebe estragas mak kadeira, janela, AC no mos plafon sede reuniaun nian no parede sira metan hotu.

LEAVE A REPLY

Please enter your comment!
Please enter your name here