Reportazen Santina Lucia da Costa
Relasiona ho inundasaun ne’ebe akontese iha loron hirak nian laran, ne’ebe hamosu vitima barak, liu enkontru Sekretariu Estadu Protesaun Sivil [SEPS], Alexandrino Xavier Araujo ba jornalista sira katak, iha loron sabdu 25/01 parte SEPS sei fahe apoiu ba vitima inundasaun.
“Ita atu koalia konaba emerjensia ne’e labele tempu naruk, maibé horseik no ohin sira labele fó tanba sira evakua mai iha ne’e no mós fatin refere bee sei iha”, hateten Alexandrino Xavier Araujo, iha kazerna Bombeiro Kampung-Baru
SEPS informa tan katak, sei servisu hamutuk ho Sekretariu Estadu Meio Ambiente hodi hare hamutuk ba problema lixu, atu kontribui netik para labele soe lixu arbiru, tanba tuir informasaun prevensaun husi metodolojia katak iha Domingo bele udan boot, tanba ida ne’e presija halo prevensaun
Relasiona ho orsamentu, SEPS preve ona dotasaun orsamentu temporariu hamutuk $50.00 mill hodi atende dezastre naturais durante fulan Janeiru nia laran, ih teritoriu tomak.
“Mais ou menus osan duadesimu ne’e bele sosa fali buat ruma ba vitima inundasaun sira, parese iha ita iha osan por-volta de $40-50 mill, hodi responde ba dezastre naturais”, tenik Alexandrino.
SEPS mos agredese ba parseiru internasional sira ne’ebe fo apoiu ba vitima inundasaun sira hanesan Cruz Vermelha Timor-Leste, Timor Plaza, World Food no mos parte sira seluk.