Home Notisia PLP: Solusaun mak Prezidente Republika Desidi, Ami Konkorda no Apoiu

PLP: Solusaun mak Prezidente Republika Desidi, Ami Konkorda no Apoiu

442
0
Presidente Interinu PLP, Abrao J. Freitas Hasoru Imprensa iha Palasiu Presidente (Foto: Santi L. da Costa)

Reportajen Santina L. da Costa

Prezidente Republika hasoru malu ho Partidu Libertasaun Popular (PLP) iha semana kotuk hodi koalia kona ba Orsamentu Jeral Estadu 2020 (OJE 2020) mak sumba iha Parlamentu Nasional.

“Hanesan ita boot sira akompanha iha publiku, povo Timor-Leste akompanha iha semana kotuk liu ba ita nia Orsamentu Jeral do Estadu sumba iha Parlamentu Nasional tanba ne’e Preszidente Republika konvida PLP ami mai atu informa situasaun atual liuliu orsamentu ne’ebé sumba iha Parlamentu Nasional,” Hateten  Prezidente PLP, Abrão J. Freitas, ba jornalista sira iha loron, Sesta-feira, 24/01/ 2020, fatin, Palasiu Prezidensia, Bairu Pite Dili.

Prezidente Interinu PLP hatutan, kompetensia tomak tuir Konstituisaun absolutamente fó ba Prezidente Republika, solusaun saida de’it  mak Prezidente Republika desidi ami hotu Partidu PLP konkorda no apoiu.

Abrão J. Freitas dehan, “Atu ba eleisaun antisipada ka lae ne’e kompetensia Prezidente Republika, ami laiha preferensia ruma konaba ida ne’e.”

“Ami entrega tomak ba Prezidente Republika saida de’it mak Prezidente desidi ami pronto apoiu,” Abrão J. Freitas aumenta.

 

LEAVE A REPLY

Please enter your comment!
Please enter your name here