Home Notisia Marí: La Aseita Ho Eleisaun Antesipada, Agora Taur Mak Sai Vitima Tan

Marí: La Aseita Ho Eleisaun Antesipada, Agora Taur Mak Sai Vitima Tan

4017
0
Sekretariu Jeral Fretilin, Dr. Marí Alkatiri. [Foto: Santina Lucia da Costa | 24.01.2020]

“FRETILIN la presiza hatun governu ida no sira mak sei hatun malu, no agora akontese dadauk. Maioria la monu mesak, maibe sira mak hamonu malu, aliansa kontra natura ne’e vida sei la naruk. Agora sai vitima fali mak Taur Matan Ruak, aban bainrua la hatene se fali. Ida ne’e labele kontinua hanesan ne’e, ita nia rain ne’e tenke lao ba oin”. Marí Alkatiri

Situasaun politka ne’ebe akontese iha VIII Governu konstituisional, ne’ebe lidera hosi Primeiru Minsitru Taur Matan Ruak, mosu hanoin hosi Sekretariu Jeral FRETILIN, Dr. Marí Alkatiri.

Hatan ba Neon Metin karik FRETILIN aseita ho eleisaun antesipada? Hatan ba Neon Metin, Dr. Marí Alkatiri hateten FRETILIN lakohi katak mandatu Prezidente da Republika nian iha tinan lima, halo kedas eleisaun antesipada dala rua, povu mos kolen ona ba eleisaun antesipada.

“Prezidente da Republika antes foti desizaun, rona uluk ami nia hanoin, depois tenke hare ba Lei no Konstituisaun. Hau nia esperansa atu labele akontese eleisaun antesipada”, deklara Marí Alkatiri.

Hare ba politika iha Parlamentu Nasional, ne’ebe hatudu katak bankada CNRT la afavor ba Orsamentu Jeral Estadu 2020, Eiz Primeiru Minsitru ne’e hateten, “FRETILIN la presiza hatun governu ida no sira mak sei hatun malu, no agora akontese dadauk. Maioria la monu mesak, maibe sira mak hamonu malu, aliansa kontra natura ne’e vida sei la naruk. Agora sai vitima fali mak Taur Matan Ruak, aban bainrua la hatene se fali. Ida ne’e labele kontinua hanesan ne’e, ita nia rain ne’e tenke lao ba oin.

Hatan ba Neon Metin karik hasoru malu ona ho PLP? Sekretariu Jeral FRETILIN hatan katak sedauk hasoru no la hasoru PLP, CNRT, KHUNTO no sira seluktan

“Hau sempre dehan katak la rejeita dialogu ho se deit, maibe agora hau fo prioridade ba sira atu hasoru Prezidente da Republika”, tenik Marí iha palacio prezidensia, 24/01.

 

LEAVE A REPLY

Please enter your comment!
Please enter your name here