Home Notisia EBF Santa Teresinha Kondisaun Aat, Mateus: Tempu Udan Estudante Labele Eskola

EBF Santa Teresinha Kondisaun Aat, Mateus: Tempu Udan Estudante Labele Eskola

200
0
Kondisaun Uma Eskola Ensinu Baziku Filial Katolika Santa Teresinha do Menino Jesus, Iha Suku Laisorulai De Cima Kelikai. [Foto: David Da Costa Gusmão | 14.02.2020]

Kontributor David Da Costa Gusmão

“Uma eskola refere áat durante tinan 4 resin, tamba fondasi uma nian maioria fohuk hotu ona, no tonka deit ho au, hodi fasilita prosesu aprendezajen. Bainhira akontese udan no anin boót, professor/a sira haruka fila estudantes ba uma, tamba tauk uma monu hodi estraga estudante”, Koordenador Eskola

Edukasaun mak sei determina ema ida nia future, edukasaun mak sei determina dezenvolvimentu rai laran, atu ba iha ne’ebe? Iha Konstituisaun rasik esplika katak sidadaun hotu iha direitu moris adekuadu, direitu asesu ba seitor hotu, liu-liu edukasaun.

Maibe ohin loron iha kondisaun balun ne’ebe estudante sira hasoru, tanba fatin hodi aprende nia kondisaun la diak.

Uma Eskola Ensinu Baziku Filial Katolika Santa Teresinha do Menino Jesus, Iha Suku Laisorulai De Cima – Kelikai, ho Kondisaun aat, iha tempo udan professor/a haruka estudante sira fila ba uma, tanba tauk uma monu hodi estraga estudante.

Koordenador Eskola Mateus Cabrral Soares hateten, uma eskola áat, difikulta prosesu aprendizajen estudante sira, tamba ai fohuk no balun tohar.

“Uma eskola refere áat durante tinan 4 resin, tamba fondasi uma nian maioria fohuk hotu ona, no tonka deit ho au, hodi fasilita prosesu aprendezajen. Bainhira akontese udan no anin boót, professor/a sira haruka fila estudantes ba uma, tamba tauk uma monu hodi estraga estudante”, tenik Mateus.

Iha fatin hanesa Professor Paul Dorosario de Fatima, sente triste ho kondisaun eskola ne’ebe akontese. Paul hanorin ona tinan 20 resin, maibe kondisaun eskola tin aba tinan aumenta aat ba bebeik no sira preokupa bainhira udan tun.

“Sente triste ho kondisaun eskola ne’ebe la adekuadu, hau husu ba governo para bele  tau matan ba eskola ne’ebe komesa dodok ona, no mos espera ami bele hetan livru, hodi ami bele hanorin, tanba livru iha ne’e mos menus los. Ami presiza livru para ami bele hanorin ho diak ba estudante sira,  bele aumenta sira nia konnesementu”, dehan Paul.

Paul husu ba governo para bele hare’e kondisaun ida ne’e no hadia lalais eskola refere, tanba iha tempo udan, udan ben tama to’o iha sala laran, “ami tenke kuru bee udan ne’ebe tama ba sala laran, depois mak ami kontinua hanorin estudante sira”.

Eskola refere ezije ba governu atu tau iha planu hodi bele rehabilita uma eskola, hodi garante asesu ensino aprendiazen. Escola ne’e fo asesu prosesu aprendizasen ba estudantes nain 200 resin ho professor/a nain 12.

*[David Da Costa Gusmão, hakerek nain nudar estudante UNTL ne’ebe tuir jurnalismu klinika, Kooperasan entre UNTL-UNESCO. Rezultadu hosi kursu ne’e mentor publika nia artigu iha Neon Metin]

 

LEAVE A REPLY

Please enter your comment!
Please enter your name here