Home Notisia Ramos Horta Hasoru PR, Horta: Hau Hasoru Malu Ho Maun Boot Sira...

Ramos Horta Hasoru PR, Horta: Hau Hasoru Malu Ho Maun Boot Sira Hodi Buka Solusaun

1747
0
Dr. Jose Ramos Horta iha palacio prezidensia. [Foto: Santina Lucia da Costa | 14.02.2020]

Reportazen Santina Lucia da Costa 

Eiz Prezidente da Republika no Eiz Primeiru Ministru, Dr. Jose Ramos Horta hasoru malu ho Prezidente da Republika, Dr. Francisco Guterres Lu Olo, hodi koalia asumtu enkontru ho lider istoriku sira ne’ebe foin lalais realiza iha loron 10/02.

Ba jornalista sira, Dr. Jose Ramos Horta rezultadu hosi enkontru iha loron 10/02 ajuda atu loke dalan, halo kontaktu no rona malu hodi hetan ideas solusaun ba situasaun krize ne’e.

“Prezidente da Republika ho nia laran luak iha tan tempu, para simu hau dala ida tan, foin dadaun hasoru malu ho maun boot Xanana, maun boot mai uma, hau koalia mós ho Primeiru Ministru Taur Matan Ruak horseik, koalia mós ho partidu kuaze hotu-hotu.  Iha tempu badak hau mós espera sei hasoru mós Dr. Marí Alkatíri”, hateten Eis-Prezidente da Republika Dr. Ramos Horta, ba Jornalista sira iha Palasiu Prezidensial, 14/02.

Dr. Jose Ramos Horta mos hateten esforsu sei kontinua nafatin, Prezidente da Republika entrega ba Partidus politikus sira  para hetan solusaun no partidus politikus sira mak tenke lori ba Prezidente da Republika, solusaun saida mak Prezidente da Republika sei foti. Se fulan ida ne’e ka fulan Marsu ba oin laiha solusaun sei ba eleisaun antisipada.

“Fulan ida ne’e ka fulan Marsu ba oin ou se laiha solusaun sei ba eleisaun antisipada, mais ami nia rekomendasaun reuñiaun dia 10 ne’e, Prezidente da Republika mós rona Partidus sira hotu, eleisaun antisipada laos primeira eskolha ne’e laos solusaun di’ak liu.  Di’ak liu partidus politikus sira hatudu sira nia matenek, lider sira hatudu matenek hodi hetan solusaun”, esplika Ramos Horta.

 

Ramos Horta mós kontinua esforsu koalia ho lider sira fera ulun ho unidade matenek para hetan solusaun ida di’ak ba interese nasional.

 

“Pesoalmente kontinua hau rasik nia esforsu, koalia ho kolega lider sira fera ulun ho unidade matenek, para hetan solusaun ida ne’ebe di’ak ba interese nasional.”, Tenik Horta.

 

 

Print Friendly, PDF & Email

LEAVE A REPLY

Please enter your comment!
Please enter your name here