Reportazen Francisco JDA
Secretario Estadu Igualdade no Inkluzaun [SEII] Servisu hamutuk ho Oxfam hodi fo treinamentu ba ponto vocal SEII hosi munisipiu 12, konaba Gender Action Learning System [GALS].
Ne’e hanesan aproximasaun ba feto no mane iha komunidade, bainhira hasoru difikuldade no obstaklu, Oxfam enkoraza governo kontinua atu uja aprosimasaun GALS.
Country Director Oxfam, Kathy Richards ba jornalista sira hateten, workshop loron tolu ne’e governo kontinua pratika no aprende GALS, oinsa mak bele halao servisu iha servisu fatin no iha komunidade nia leet
“Workshop ne’e importante atu koalia kona ba Gernder Vocal Point hosi municipiu hotu iha Timor, nune’e sira mai iha Dili, tuir treinamentu, nune’e bele uja GALS ne’e iha servisu fatin. Partisipasaun hosi treinamentu ne’e hamutuk ema nain 20, kompostu hosi feto no Mane”, dehan Country Director Oxfam Kathy, iha hotel Ramelau 14/02.
Oinsa Oxfam nia esperansa hosi formasaun ida ne’e? ba Neon Metin, Kathy hatan katak Oxfam fiar katak prosesu aproximasaun ne’e bele ajuda governu atu atinji sira nia objetivu, atu aumenta vida moris, aumenta kondisaun diak iha area remota, “ami iha mehi atu kontinua kolabora ho SEII iha tinan oin”.
Iha Fatin hanesan Treinador Helena Lowe hosi Mozambique hateten, sente kontente tanba bele fahe no hetan esprensia barak hosi partisipante sira, espera partisipante sira bele lori buat diak ba uma, tanba igualdade inkluzaun iha dezafiu ne’ebe barak
“Ita boot sira presiza pasiensia ita labele lao mesak, ita presiza feto no mane servisu hamutuk. Fo agradese wain ba Oxfam no governo ne’ebe fo oportunidade atu hamutuk hodi partisipa iha treinamentu ida ne’e”, tenik Helena Lowe
