Home Notisia Vice CPN: PLP Hasoru FRETILIN Hodi Buka Solusaun, Je Reis: FRETILIN Lakohi...

Vice CPN: PLP Hasoru FRETILIN Hodi Buka Solusaun, Je Reis: FRETILIN Lakohi Sai Blokeiu Trava Solusaun

4664
0
Partidu FRETILIN hasoru malu PLP. [Foto: Francisco JDA | 18.02.2020]

Partidu Libertasaun Popular [PLP] hasoru malu ho Partidu FRETILIN hodi halo dialogu ba situasun politika ne’ebe akontese iha rai laran.

Hafoin remata enkontru ho estrutura partidu FRETILIN, Vice CPN PLP, Francisco de Vasconcelos ba jornalista sira hateten bainhira lider istoriku sira enkontru, mesajen ne’ebe Prezidente da Republika hatoo mak husu ba partidu politiku sira halo movimentu, hodi buka solusaun ba problema politika ne’ebe akontese.

Bainhira GMNTV husu karik solusaun saida mak diak liu hodi resolve problema ida ne’e? ba GMNTV Vice CPN PLP hatan katak solusaun diak liu mak dezenvolvimente tenke lao labele para, ida ne’e kontribuisaun hosi partidu politiku sira nian ba prosesu ida ne’e.

Relasiona ho informasaun ne’ebe espalha iha publiku Neon Metin halo konfirmasaun katak CNRT ho partidu sira seluk sei forma governu foun, ne’e katak PLP sei ba fali opozisaun? Ba Neon Metin Francisco hatan katak partidu politiku sira tenke pronto ba kualker konfigurasaun ne’ebe sei mosu, tanba ne’e mak dever partidu politiku mak buka no kria komunikasaun.

“PLP mai iha FRETILIN hodi halo komunikasaun hodi buka solusaun ba resolve problema, hanesan saida mak Prezidente da Republika husu, tanba ne’e mak PLP mai hasoru FRETILIN hodi buka solusaun”, hateten Vice CPN PLP, iha CCF 18/02.

Desizaun hosi PLP nian rasik ne’e saida atu solusiona impase politika ne’e? ba Neon Metin Francisco dehan, “foin mak to’o mai hodi deskuti no sei iha tempu maibe labele kleur liu ida ne’e mak PLP nia pozisaun, tanba ita labele sakrifika ita nian povu.

Iha fatin hanesan Vice Sekretariu Jeral FRETILIN, Jose Reis ba jornalista hateten katak enkontru ida ne’e atu bele kria konfiansa deit entre partidu politiku sira, depois de desizaun hosi Prezidente da Republika ne’ebe mak husu ba partidu politiku sira atu halo komunikasaun, hodi bele buka solusaun ida ba iha impase ida ne’e.

“FRETILIN nia pozisaun lakohi sai blokeiu trava solusaun ba impase ida ne’e. Ami sempre dehan FRETILIN Iha estratejia ida hodi halo serbisu iha 2023, maibe problema akontese hosi uma laran no governu ne’e monu, tanba ne’e mak FRETILIN hanoin ne’e problema boot no assume responsabilidade ida, FRETILIN lakohi sakrafika 1.2 millloens de pesoas nia vida ne’ebe lao hela, tanba deit interese partidu nian. FRETILIN Hakarak kontribui ba solusaun ida ne’e, tanba estadu nia vida ne’e importante liu ba FRETILIN”, hateten Jose Reis.

LEAVE A REPLY

Please enter your comment!
Please enter your name here