Home Saude Moras Infeksaun Respiratoriu Agudu Total 198.582 Afeta Ba Populasaun Iha Dili

Moras Infeksaun Respiratoriu Agudu Total 198.582 Afeta Ba Populasaun Iha Dili

850
0
Mediku Jeral – Koordenadora Programa na Familia, Dra. Eufrosina Antonia da Silva Pereira. [Foto: Santina Lucia da Costa | 19.02.2020]

Reportazen Santina Lucia da Costa

Ministeriu Estatal no Ministeriu Saude iha planu hodi implementa Rezolusaun do Governu No. 8/2012 de 14 Marsu konaba Politika Nasional Saneamentu Baziku, liu hosi Planu Asaun Komunidade ba Saneamentu no Ijiene [PAKSI], hodi atinji Area La Soe Foer Boot Arbiru  [ALFA] iha municipiu Dili, hodi bele kontribui ba Komitmentu Governu atu atinji ALFA ba Timor-Leste tomak iha 2020.

Liu hosi seremonia lansamentu koaba PAKSI Mediku Jeral – Koordenadora Programa na Familia, Dra. Eufrosina Antonia da Silva Pereira ba jornalista sira hateten, liu hosi lansamentu ne’e hodi aprezenta dadus moras nian, ne’ebe mak nia impaktu makaas mai hosi saneamentu ijiene baziku, ne’ebe mak la saudavel iha area munisipiu Dili nian.

Dra. Eufrosina hatutan iha aprezentasaun ne’e iha moras tolu ne’ebe principal mak kauza hosi saneamentu la saudavel mak moras diaria ka tee been aguda, moras ispa, infeksaun respiratoriu alta no moras kulit.

Bainhira Neon Metin konfirma konaba dadus relasiona ho moras diaria iha municipio Dili nia persentazen hira? Hatan ba Neon Metin Dra. Eufrosina hateten iha moras tolu ne’ebe boot liu mak infeksaun respiratoriu agudu total 198.582,  ne’e afeta ba iha populasaun municipio Dili iha tinan 2019, tuir mai moras kulit total 43.197, no ikus moras diarea agudu total 31.184.

Relasiona ho moras tolu ne’ebe iha, Dra. Eufrosina esplika tanba impaktu hosi kondisaun saneamentu baziku ne’ebe ak la la ijiene ka la saudavel

“Ita hatene katak bee iha munisipiu Dili ne’e iha area balun difisil asesu ba bee moos, ita nia populasaun uma kain balun munisipiu Dili nian, asesu ba sintina ne’e seidauk iha, talvez balun nian iha ona, maibé sintina ida ne’ebé kategoria la saudavél.  Soe foer arbiru, volume lixu ne’ebé mak iha munisipiu Dili ne’e nia kuantidade boot tebes, lixu ne’ebé koloka fatin publiku la sufisiente, alguma vez mós  komunidade iha uma kain ida-idak sira nia uma laiha fatin para atu soe lixu”, esplika Dra. Eufrosina.

Bazea ba dadus hosi UNICEF hatudu katak populasaun iha Dili ne’ebe asesu saneamentu no sintina diak atinji ona 93% no 7% sedauk asesu sintina ho kualidade diak.

Hosi dadus ne’e Ministeriu Saude sei halo sosializasaun klean serbisu ho autoridade local iha sira nia fatin ka suku.

“Ministeriu Saude nia papel hanesan hakarak atu hafanu, konsiensia ba populasaun liu husi promosaun edukasaun saude, atu sensibiliza nafatin katak sintina ida ne’ebé mak laiha ka la saudavél,  nia impaktu ne’e makaas ba ita nia saude”, hateten Dra. Eufrosina, iha salaun Xanana Spor Center, 19/02.

LEAVE A REPLY

Please enter your comment!
Please enter your name here