Home Notisia UNTL & UN Women Lansa Campus Seguro, Francisco: Zero Toleransia Ba Asediu...

UNTL & UN Women Lansa Campus Seguro, Francisco: Zero Toleransia Ba Asediu Seksual Iha Campus

905
0
UNTL ho UN Women asina MOU no lansa Campus Seguro. [Foto: Media UN Women | 04.03.2020]

Reportazen Zevonia Vieira

UN Women iha Timor-Leste ho Universidade Timor Lorosa’e [UNTL] asina Momerandum of Understanding [MOU] no mos lansa programa konaba Campus Seguru.

Relasiona ho kampanha konaba hapara violasaun hasoru feto no asediu seksual hasoru feto ho labarik feto, UN WOMEN iha atensaun ida atu habelar programa konaba asegura feto no labarik feto sira atu dook hosi violasaun seksual no asediu seksual.

Ba Neon Metin Xefe UN Women iha Timor-Leste, Sunita Caminha hateten Iha tinan 4 nia laran, iha movimentu ne’ebe halao iha Timor-Leste, komesa hosi sosiadade civil hanesan organizasaun feto sira no mos funsaun publika sira, ne’ebe hateten lae ba asediu seksual iha Ministeriu Publika, no agora ho UNTL hatudu ona katak iha ona komprimisiu hodi bele hare konaba igualdade jeneru.

“UN WOMEN parseria ho UNTL buka atu suporta, oinsa atu kria kondisaun, bele kria movimentu hosi estudante, dosente sira no pesoal hotu, hodi kria kondiasaun prevene asedu sexual no promove relasaun ne’ebe respeita feto no norma social ne’ebe bele promove igualdade jeneru”, esplika Sunita Caminha, iha salaun auditorial UNTL, 04/03

Iha fatin hanesan Reitor Dr. Francisco Miguel Martins hatan ba Neon Metin relasiona ho programa Campus Seguru, Dr. Francisco hatan programa ida ne’e importante tebes, hodi tau atensaun ba akademikus tomak, para atu labele violasaun seksual hasoru feto no asediu seksual, tanba prevene diak liu, duke kura.

“Ita presiza halo kondisaun ida ne’e, hosi ita nia an rasik, tanba ita hanoin katak UNTL hakiak hela joven sira ba futuru nasaun nian, sira mak sei sai lideransa nasaun iha futuru, sira mak sei sai operador ba prosesu dezenvolvimentu nasaun. Ita tenke koidadu atetudi moral fizikas sira, para sira bele sai lideransa iha futuru ne’ebe diak ba komunidade sira, nasaun no mundu. Tanba ne’e mak ita kria Campus Seguru ida ne’e, hodi evita kestaun abuzu sexual, asalatus fizikus, atu nune campus iha klima ne’ebe saudavel no zero toleransia ba asaltu seksual no asediu seksual”, esplika Retor UNTL.

Karik presiza kria kurikulum konaba jeneru iha UNTL, hodi bele hasae konnsementu estundate universitariu sira? Ba Neon Metin Retor Francisco hateten UNTL nudar instituisun akademika, atu dezenvolve siensia no teknolojia, ne’ebe la taka dalan tanba UNTL mos iha centru de Jeneru ne’ebe kria ona tinan lima liu ba no iha ona estudu de jeneru ne’ebe sempre aprezenta liu hosi seminariu barak.

Iha hanoin hanesan hosi estudante  Azita da Cruz Sarmento, Fakuldade Edukasuan, Departamentu Lingua Inglesa iha UNTL katak programa campus seguru ne’e importante tebes hodi implementa iha UNTL atu nune’e laiha tan akontese asediu seksual ne’ebe dalabarak akontese.

Nudar estudante hau apresia tebes ho programa konba campus seguru, kooperasau entre UNTL ho UN WOMEN, programa ne’ebe importante tanba sexual harassment akontese dala barak ona iha campus. Ida ne’e vantajen diak mai ami atu bele tau atensaun”, tenik Azita iha Campus UNTL.

Nudar estudante, ba Neon Metin Azita hateten sei esforu an hodi kolabora ho dosente sira, atu halo workshop hodi fahe informasaun ba estudante sira seluk konaba saida mak asediu seksual no oinsa atu kombate hahalok ne’e iha campus.

Tuir relatoriu hosi UN Women hatudu katak asédiu seksual no forma seluk hosi violensia seksual kontra feto no labarik-feto sira  iha fatin publiku nudar asuntu universal.

Estudu Esploratóriu foka ba suku Comoro (suku ida hosi suku 31 iha munisípiu Dili), ho populasaun ema na’in 76.681 (feto 48%) no umakain 12.261.4 Suku ne’e mak identifika bazeia ba análize anteriór no advokasía liuhosi organizasaun feto sira-nian. Suku Comoro mak avansadu liu médiu nasionál sira relasiona ho edukasaun no soin umakain globál (anota hela katak análize soin intra-umakain nian mak la disponivel). Porezemplu, ita bele nota katak 96% hosi feto no mane entre idade tinan 15 no 24 iha Comoro mak alfabetizadu no liu 20% iha lisensiatura universitáriu, ne’ebé mak aas liu duké médiu nasionál. Ho konsiderasaun katak 19% hosi populasaun iha munisípiu Dili moris ho osan menus liu $1,90 ne’ebé mak liña pobreza internasionál5 iha tinan 2014, ita bele anota katak populasaun Comoro nian iha porsentu sasán luxu aas liu duké nivel médiu ba munisípiu Dili.

Iha pais hotu-hotu, feto no labarik-feto sira esperiensia no tauk ba tipu violensia seksual iha fatin publiku sira, ne’ebe hahu ho komentariu seksual no kaer isin ne’ebe la ho hakarak, to’o violasaun seksual no oho-ema relasiona ho jeneru.

Maske sira-nia esperiensia ne’e espesifiku tuir kontestu, estrada, transporte publiku, fatin sira besik eskola, iha parke no jardín publiku, sentina publika, iha to’os, iha merkadu, fatin kuru bee-moos mak fatin baibain ne’ebe mak asediu akontese iha pais oioin (iha situasaun urbanu, peri-urbanu, rurál, konflítu no pós-konflítu).

Estudu Esploratóriu ne’e hetan katak asediu seksual (halo avansu seksual ne’ebe la hakarak ka engaja oinseluk iha pratika seksista ne’ebe kauza sofrimentu mental ba vítima, lakon rendimentu, no seluk seluk tan) mak rekoñese tiha hanesan akontesimentu baibain iha Timor-Leste nia kapital Dili, ho populasaun ema na’in 277.279 iha tinan 2015 (48% feto). Notavelmente, dalabarak asediu seksual ne’e mak la rekoñese nudar forma violensia kontra feto, maske respondente sira fahe kedas ezemplu sira hosi tipu asediu seksual oioin  hanesan verbál, jestu/vizuál, no fíziku – kontra feto sira iha fatin públiku.

Insidente sira dalabarak simu de’it nudar hahalok ne’ebe antesipada, hamutuk ho fiar ne’ebe la koalia katak feto sira tenke foti medida sira limita sira-nia mobilidade ka movimentu iha sidade laran, atu bele hamenus risku asédiu.

Feto siro hatene katak sira-nia família rasik no komunidade jerál bele fó sala ba sira, tanba sira-nia esperiénsia asédiu ne’e, ne’ebé mak kontinua loke dalan ba atitude fó-sala ba vítima no estigmatizasaun ba feto ne’ebé hato’o kesar. Iha tempu hanesan, rekoñesimentu limitadu kona-ba asédiu seksuál nu’udar forma violénsia signifika katak dalabarak iha impunidade ba insidente asédiu seksuál iha fatin públiku. Lakuna dadus signifikante hela hanesan bareira liután ba komprensaun no atu bale hatán ba forma oioin hosi asédiu seksuál iha fatin públiku.

Print Friendly, PDF & Email

LEAVE A REPLY

Please enter your comment!
Please enter your name here