Home Notisia TMR: Tuir Loloos Maun Xanana Mak Mai Koalia no Fo Lia Fuan...

TMR: Tuir Loloos Maun Xanana Mak Mai Koalia no Fo Lia Fuan Ba Veteranu Sira

1705
0
Prezidente da Republika ho Primeiru Ministru iha loron komemorasaun loron Veteranu. [Foto: Copyright Media PR | 03.03.2020]

Reportazen Francisco JDA

Loron 3 Marsu nudar loron istoriku ba luta nain sira ne’ebe mak sakrifika sira nia an, hodi atinji povu nia mehi ba ukun rasik-an. Iha loron nasiona Veteranu ba datoluk nian, Primeiru Ministru, Taur Matan Ruak hatoo deskursu katak, tuir lolos maun Xanana mak koalia no hatoo lia fuan iha loron importante ida ne’e, lori nia naran hotu fo saudasaun especial ba veteranu sira, Frente Armada, Frente Klandestina no Frente Diplomatika.

Ha’u hatene iha loron hira nia laran, ita boot sira deskute troka hanoin barak kona ba ita nia situasaun, relasiona ho ita nia pasadu, ita nia presente no ita nia futuru depois funu hotu, ha’u hare tempo boot ida mak ita lakon, maibe seidauk tarde, ha’u hare ita boot sira hotu iha hanoin diak, proteja ita nia an iha futuru, fo ita nia kontribusaun ba desenvolvimentu ba ita nia nasaun ne’e, ita sakrifika ita nia interese individual, interese koletivu sobre interese nasional, interese nasaun nian, ha’u hanoin esperensia ida ne’e mak ita tenke kaer nafatin”, tenik Primeiru Ministru Taur Matan Ruak, iha CCD, 03/03

Primeiru Ministru reforsa tan esperensia konkretu ne’ebe foin dadaun kria fundu, sei lembra wainhira kaer pasta Presidente 2013 ou 2014 bolu maun Xanana, maun Dr. Mari, no Prezidente RDTL, Francisco Lu Olo hodi koalia kona ba sustentabilidade projetu ne’ebe tau matan ba veteranu sira

Iha fatin hanesan Xefe Delegasaun Veteranu Australia no hanesan konvidadu espesial Michael  Stone iha diskursu hatete no konsidera istoria hanesan abut, se hanesan ai, se abut ne’e forti no klean ema mos forte, bele udan boot, bele anin boot maibe ema forte nafatin, ne’e la bele nega no ai ne’e presiza rega duni.

“Ha’u hanoin serimonia ne’e, ita rega duni istoria Timor-Leste, istoria uniku, istoria diak forte los iha mundo tomak, ha’u labele kompara ho ha’u nia rain, tanba ami nia istoria la hanesan. obrigadu wain ba oportunidade no onra boot, ami bele mai hola parte loron espesial lulik ne’e”, tenik Delegasaun Veteranu Australia Michael Stone.

Michael dehan mai hanesan vizinho, belun,  kamarada ne’ebe diak no hanesan maun alin ho haraik-an, ba valores terus oin-oin ne’ebe veteranu sira hasoru, balun sei moris no balun mate ona, valores boot hosi terus oin oin nia laran.

Print Friendly, PDF & Email

LEAVE A REPLY

Please enter your comment!
Please enter your name here