Home Notisia MAP Iha Politika de Jeneru Ba Agrikultura Maibe Sedauk Implementa 100%

MAP Iha Politika de Jeneru Ba Agrikultura Maibe Sedauk Implementa 100%

300
0
Workhosp Agrikultura Subsistensia no Ekonomia Sustentavel. [Foto: Santina Lucia da Costa | 11.03.2020]

Reportazen Santina Lucia da Costa

Relasiona selebra loron feto mundial Rede Feto organiza workshop ho tema “Agrikultura Subsistensia no Ekonomia Sustentavel” ne’ebe hetan apoiu finanseiru hosi OXFAM Timor-Leste.

Relasiona ho partisipasaun feto iha agrikultura, ba Neon Metin Diretora Jeral Agrikultura, Maria Odete do Ceu Guterres hateten partisipasaun feto iha vida agrikultura tenke lao ho enkuadramentu legal, halo tuir Planu Estratejia Agrikultura no mos Leis ne’ebe suporta movimentu agrikultura

Iha kontextu feto, Ministeriu Agrikultura no Peskas [MAP] iha ona politika de jeneru ba agrikultura, ho nia objetivu mak fó asesu ba feto maluk sira, hodi sira bele hetan asesu ba rai, asesu ba imputas agrikulas, asesu ba investimentu agrikulas no asesu ba toma desizoens iha atividades agrikulas.

Iha seitor agrikultura karik iha numeru feto ne’ebe mak susesu hodi halao sira nia vida iha agrikultura? Ba Neon Metin Diretora Maria Odete hatan involvimentu feto iha nivel rural, Ministeriu iha determinasaun ba politika ida atu 35%, ba grupu sira ne’ebe deit mak hetan asistensia finanseira. Asistensia teknika husi Ministeriu Agikultura no Peskas 35% fo ba feto maluk sira.

“Bainhira sira hetan asistensia teknika finanseira, Ministeriu halo akompañamentu nafatin ba sira, atu nune’e sira bele asesu ba merkadu, liuliu fa’an sira nia produtu sira ba merkadu, atu hasae sira nia rendimentu, laos de’it ba hadi’a sira nia uma laran, maibé sira bele fó eskola ba sira nia oan sira no mós hadi’a sira nia moris”, hateten Maria Odete, iha salaun Administrasaun municipio Liquisa, 11/03.

Diretora Maria Odete konfesa katak dezafius husi Ministeriu Agrikultura no Peskas mak politika de jeneru seidauk implementa 100%, governu seidauk desidi kreditu rural atu nue’e bele fasilita feto maluk sira para sira bele hetan asesu ba merkadu.

“Instituisaun bankarias sira tauk uituan, atu fó kreditu ba iha area agrikultura, karik implementasaun atividade agrikultura  ne’e bele hetan risku, risku de produsaun, por ezemplu ita kuda modo, hetan atake, pesti ka moras ruma ne’e mak hetan kreditu, se mak atu garante selu sira nia kreditu, maibé Ministeriu sei halo esforsu  liu ho BNCTL, atu nune’e banku fó kreditu ba grupu iha areas rurais”,  dehan Maria Odete

Print Friendly, PDF & Email

LEAVE A REPLY

Please enter your comment!
Please enter your name here