Home Notisia Mari: OPMT Tenke Haklean Liutan Aliansa Ho Povu no Lao Ho Dinamiku...

Mari: OPMT Tenke Haklean Liutan Aliansa Ho Povu no Lao Ho Dinamiku Liutan

358
0
Sekretariu Jeral FRETILIN no fundador OPMT, Dr. Mari Alkatiri, Sekretaria Jeral OPMT no membru OPMT iha seremonia loron feto mundial. [Foto: Copyright Pajina FRETILIN ba TL ida Buras liutan | 09.03.2020]

Reportazen Zevonia Vieira

Organizasaun Popular de Mulher Timor [OPMT] nudar organizasaun masa FRETILIN nian, konsolida an no selebra loron feto mundial nian. Relasiona ho loron feto mundial ne’ebe monu iha loron 8 Marus, Sekretariu Jeral FRETILIN no Fundador OPTM, Dr. Mari Alkatiri enkoraza organizasaun atu la’o ba oin ho dinámika liután.

Dr. Mari hateten OPMT tenke identifika elementus rezisténsia nian, hametin ligasaun ho Juventude FRETILIN (JF) no mós ho organizasaun afiliada sira no OPMT tenke haklean liután aliansa ho Povu.

Relasiona ho loron feto mundal, konsultor ba igualdade jeneru no nudar membru Komite Sentral FRETILIN, Nurima Alkatiri hateten atu kontribui ba mudansa mentalidadi iha sosiedade no nesesidade boot, atu ida-idak nakloke, atu moris iha sosiedade ne’ebé inkluzivu.

Mudansa ne’ebé ita presiza, tenki hahú kedas husi ita, nu’udar indivídu, no tenki hahú husi ita-nia uma laran. Ita hotu iha ne’e halo parte ba família boot FRETILIN nian, família ne’ebé hako’ak ema hotu, husi idade no jerasaun hotu-hotu, husi identidade jéneru hotu-hotu, husi rasa no relijiaun hotu-hotu. Maibé ita hotu sei tenki aprende liután, atu moris no servisu hamutuk iha diversidadi nia laran, ho toleránsia no apoiu ba malu. No ita tenki hahú iha ita-nia uma laran ida ne’e.

Iha loron feto mundial nian ne’e, feto maluk Leopordina Guterres nudar feto potensial ne’ebe halao nia knaar iha area rural hatoo nia esperiensi ne’ebe mak halo mudansa iha nia komunidade.

Leopoldina, maluk feto forte ida ne’ebé hakaas-an hodi kapasita-an, no ohin loron hala’o knaar nu’udar profesora língua portugeza no língua ingleza, simu prémiu husi prinseza T ailándia nu’udar profesora di’akliu iha 2017. Ohinloron Diretora  Ensinu Báziku Sentrál, São José,  Baguia Municipiu Baucau.

Ohin loron  Leopordina simu mós knaar nu’udar koordenadora ba Projetu “Ho Musan Ida” ho atividade oioin, liuliu kuda-aihoris, atu rekupera floresta tuan no hamosu floresta foun, nune’e,ajuda sustenta klima saudável, rai-bokur ba agrikultura, bee- moos no fó mós rendimentu anuál ba agrikultór ida-idak, liu hosi programa internasional faan no sosa karbonu armazena iha ai-hun ida-idak.

FRETILIN harii OPMT, iha 28 agostu 1975, nu’udar organizasaun masa,  atu populasaun feto-sira organiza-an no mobiliza maluk sira seluk, feto ka mane, atu partisipa iha prosesu tomak luta Povu Timor-Leste nian ba  Libertasaun Nasional. Iha prosesu ne’e, OPMT, marka prezensa iha frente luta hotu-hotu: armada, klandestina no esterna/diáspora. Husi kedas tempu luta libertasaun nasional, mak OPMT luta hamutuk ho FRETILIN,   atu lahusik haketak ema, ho razaun ne’ebé de’ it,  no, nune’e, hametin polítika igualdadi, inkluzaun no justisa sosial to’o ohinloron.

Tuir Sekretaria Jeral Interina, Florentina Martins Smith hateten OPMT asumi papél prinsipál atu kontinua sai fonte inspirasaun ba feto hotu-hotu, iha aspetu kapasita-an, hodi eduka família ho di’ak no hatuur-an iha sosiedade no instituisaun Estadu nian,  ho knaar importante mós.

LEAVE A REPLY

Please enter your comment!
Please enter your name here