Home Notisia Ema Balun Uza Hotline 119 Hodi Insulta Profesional Saude Sira

Ema Balun Uza Hotline 119 Hodi Insulta Profesional Saude Sira

467
0
Call Center Covid-19 119. [Foto: Copyright Telkomcel | 11.04.2020]

Reportazen Zevonia Vieira

Relasiona ho surtu moras virus Corona ne’ebe mak ohin loron Timor-Leste iha kazu additional foun ho aumenta numeru ida positivu covid-19. Minsiteriu Saude serbisu hamutuk ho interministeria no insituisaun sira seluk, hodi estabele Hotline numer 119, hodi nune’e fasilita komunidade sira hodi bele halo kontaktu ka hatoo preokupasaun ne’ebe iha relasaun ho Covid-19.

Liu hosi konferensia imprensa, portavoz Centru Integradu Jestaun Krize [CIJK], Dr. Rui lamenta ho ema balun ne’ebe mak kontaktu ba hotline 119, hodi trata no insulta professional saude sira.

“Husu ba publiku atu uza hotline numeru 119, tirste tebes ita akompnaha katak ema balun uza numeru hotline 119, insulta ita nia professional saude sira, halo favor ema sira tuur iha ne’eba laos sira nia hakarak, maibe ema sira ne’e tuur iha ne’eba sakrifika sira nia familia, sira tenke foti risku hodi fo apoiu ba populasaun liu hosi kanal de komunikasaun ida ne’e. Uza kanal komunikasaun ida ne’e hodi hatoo preokupasaun hotu ne’ebe relasiona ho moras Covid-19, hodi nune’e MS bele fo apoiu ba ita boot sira.

Dr. Rui mos apela ba populasaun tomak atu hela hakmatek iha uma, lalika sai bainhira la presiza no laiha nesesidade importante iha liur.

“Agora dadauk iha xede suku barak haruka komunidade sira ba foti folmulariu, favor hela hakmatek iha uma. Fatin sira ne’e mak sei bele hadaet virus hosi ema ida ba ema seluk. Moras Covid-19 ne’e hadaet hosi ema ida ba ema seluk, se ema idak-idak tur iha nia fatin, dook malu no labesik malu, moras ne’e sei la daet ida,hodi nune ita hotu hamutuk kombate moras ida ne’e”, esplika Dr. Rui iha CCD ba jornalista sira, 11/04.

Ba populasaun sira ne’ebe mak sente preokupa ho moras virus Corona, bele uza hotline 119 liu hosi operador hanesan Telkomcel, Telemor no Timor Telkom

Print Friendly, PDF & Email

LEAVE A REPLY

Please enter your comment!
Please enter your name here