Home Notisia CIJK La Fo Informasaun Klaru Konaba Contact Tracing ba Ema Positivu COVID...

CIJK La Fo Informasaun Klaru Konaba Contact Tracing ba Ema Positivu COVID Nain 3 Nian

441
0
Portavoz CIJK, Dr. Sergio Lobo. [Foto: Francisco JDA | 12.04.2020]

Centru Integradu ba Jestaun Krizi (CIJK) la fo informasaun klaru kona ba contact tracing (buka tuir) ema sira mak iha kontaktu ona ho kazu positive COVID-19. 

Portavoz CIJK, Dra Odete Viegas fo esplikasaun ba pubiku ohin lokraik (13/04) kona ba esforsu ba halo contact tracing ba sira ne’ebe mak iha ona kontaktu ho kazu positive COVID-19 nian. Iha Dra Odete iha nia esplikasaun hatete katak ema nain 3 mak agora positivu mai hamutuk ho ema nain 8 ho kareta travel hosi Kupang mai Batugade. Iha loron 1 fulan Abril, sira ne’ebe agora dadaun positive sae bis hamutuk ho ema nain 25 seluk, la inklui sufer ho ajudante nain 2, viajen hosi fronteira Mota-Ain mai Dili. Hafoin ba tama karantena iha Hotel Katuas.

Informasaun ne’e la hanesan ho saida mak Portavoz Dr Sergio Lobo fo sai ba publik, iha CCD, liu hosi tranmisaun direta RTTL nian, iha loron 10 fulan Abril.  Dr Sergio hatete katak, ema nain 1 mak positive, mai hosi fronteira, kareta ne’ebe ba tula hosi duni CIJK, no nia viajen hamutuk ho ema nain 11 seluk. Sira hotu hela iha Hotel Katuas. 

Iha informasaun 2 deit mak hanesan hosi portavoz nain 2 ne’e, ema sira ne’e viajen hosi fronteira Indonesia tama mai Timor-Leste,  no sira hela iha fatin karantena Hotel Katuas. Maibe portavoz rua ne’e la tuir malu kona ba numeru. 

Publik hela ho dubidas bot kona ba se mak loloos ne’e iha informasaun los kona ema sira mak mai hamutuk ho sira nain 3 ne’ebe hetan kazu positive ne’e. Se karik Dra Odete nia informasaun los, entaun ema presija hatene se karik ema nain 25, tau tan sufer ho ajudante nain 2 ne’e, tama hotu iha karantena ka lae? Sira hotu hetan teste ona ka lae? Rezultadu teste ba sira oinsa ona?. Perguntas hanesan mosu mos ba saida Dr Sergio Lobo deklara iha dia 10 Abril.

Jornalista Neon Metin kontaktu Dr Rui Araujo hodi hetan konfirmasaun maibe hatete katak aban mak sei halo klarifikasaun dala ida iha CIJK, CCD, Dili.

Print Friendly, PDF & Email

LEAVE A REPLY

Please enter your comment!
Please enter your name here