Home Notisia Covid-19, 13 Abril, Pasiente 3 Iha Vera Cruz Kondisaun Diak, Dra. Odete:...

Covid-19, 13 Abril, Pasiente 3 Iha Vera Cruz Kondisaun Diak, Dra. Odete: Laiha Ona Isin Manas no Mear

776
0
Portavoz CIJK, Dra. Odete Viegas. [Foto: Francisco JDA | 13.04.2020]

Reportazen Zevonia Vieira

Centru Integradu Jestaun Krize [CIJK], kontinua informa situasaun ba surtu moras Corona ohin loron 13 Abril. Portavoz CIJK, Dra. Odete Viegas informa dadus ohin loron nian to’o oras 12:00 meudia hatudu katak total numeru ba kuarentena total ema 643 no hosi kuarentena ne’e fahe ba rua. Primeiru mak Konfinamentu obrigtoriu iha Dili ema nain 524, iha muncipiu ema nain 113 total hamutuk 637 no auto-kuarentena iha Dili total 1, municipio ema nain 5.

“Ita hatene katak kontinuasaun hosi konfinamentu obrigatoriu ho auto-konfinamentu maka ita sei hare ba loron 14 depois de kuarentena. Iha Dili hamutuk 1051, iha municipio 210, total ema ne’ebe pasa ona loron 14 iha kuarentena total 1261”, esplika Dra.Odete, iha CCD 13/04.

Dra. Odete informa mos iha Timor-Leste iha kazu registadu dadaun suspeitu total 168, hein rezultadu 53 no kazu konfirmadu positive nain 4.  Hosi nain 4, positvu foun 3 [loron hirak liu ba iha 1, horseik aumenta posivitu 2] no kazu 1 mak rekoperadu, tanba ne’e mak bolu kazu konfirmadu ema nain 4, hosi numeru nee hateten katak negativu total 111.

 Tuir Dra. Odete nia esplikasaunkatak malun timoroan nain rua ne’ebe positivu, tama iha grupu ida ne’ebe hetan positivu loron hirak liu ba. Sira nain 8 ne’ebe mak halo viazen hosi Kupang mai Batugede, sira nain 8 iha travel ida.

“Ho travel hosi Kupang to’o iha Batugede ema nain 8, depois hosi Batugede mai to’o iha Dili sira sae bis hamutuk ema 25, ne’e la inklui ho dotor no konjak nain 2, maibe atu hatete katak dadaun ne’e kazu 2 positivu ne’e hamutuk ona iha Vera Cruz, so total pasiente nain 3 mak iha Vera Cruz, sira nain 3 iha kondisaun ne’ebe diak, laiha mear no la isin manas. Agora dadauk parte mediku nain rua halo hela observasaun hamutuk ho enfermeiru sira no espesialista ne’ebe mak dedikadu duni ba iha kazu ida ne’e. Entaun nia la presiza oxygen no ventilator, nia so hemu aimoruk isin manas ou nia mear tenke hemu aimoruk mear. esplika Dra. Odete.

CIJK mos informa maluk sira ne’ebe mai hamutuk ho sira, agora hela dadauk iha hotel Katuas hasae hotu ona testu no hein rezultadu orsida ou aban hatene tan rezultadu.

“Normalmente ema sira ne’ebe hela iha kuarentena dezenvolve ona sintomas, entaun ekipa ambulansia foti kedas ba tau iha fatin izolamentu, maibe la siginifika katak nia tama iha izolamente ne’e tenke postivu. Ema ne’ebe hela iha kuarenten kuandu nia iha ona sintomas, hosi laboratoriu foti kedas admostra no ekipa ambulansia tenke lori kedas ba fatin izolamentu, depois mak hein rezultadu, se nia positive kontinua, se negative ita prepara fali sira para mai fali iha hotel. Sira ne’ebe mak negative, ami sei tau iha hotel ketak, la hamutuk ho kolega sira ne’ebe mak sedauk hasai testu. Dadauk ne’e ita komesa ona tau ema ida iha kuartu ida atu nune Evita distansia sosial no kontaktu fiziku”, esplika Dra. Odete

Print Friendly, PDF & Email

LEAVE A REPLY

Please enter your comment!
Please enter your name here