Home Notisia Ekipa Teknika RAEOA Ho Telemor,Hahu Diskusaun Ba Proposta Instalasaun Aplikasaun Telekonferensia

Ekipa Teknika RAEOA Ho Telemor,Hahu Diskusaun Ba Proposta Instalasaun Aplikasaun Telekonferensia

129
0
Ekipa Teknika Gabinete PR RAEO Halo Enkontru Ho Telemor. [Foto: Media ZEESMTL | 18.04.2020]

Kontributor Mídia RAEOA – ZEESMTL

Reprezentante Prezidente RAEOA – ZEESMTL, José Luis Guterres liuhusi ninia Koordenadór Téknika Prinsipál, Azevedo Lourenço da Costa Marçal no Xefe Unidade Informasaun, Komunikasaun no Teknolojia (IKT) RAEOA-ZEESMTL, Jonai do Carmo Silva iha loron 16 Abril 2020, hola fatin iha edifisiu RAEOA-ZEESMTL, Farol, Dili, halao ona sorumutu ho Diretór Ezekutivu TELEMOR, Tran Van Bang hodi koalia konaba proposta utilizasaun aplikasoens telekonferênsia ne’ebe sei oferese husi TELEMOR nu’udar esforsu hodi impede propagasaun vírus corona depois Prezidente da Republika, Francisco Guterres’Lu Olo’ deklara Estadu Emerjensia iha loron 28 Marsu 2020.

Koordenadór Téknika Prinsipál, Azevedo Lourenço da Costa Marçal apresia ba faze dahuluk husi sorumutu ne’e no rekunhese katak hodi hatan ba nesesidade emidiata konaba medidas prevensaun husi propagasaun surtu covid19, aparellu hirak ne’e sei ajuda tebes Autoridade RAEOA hodi kuntinua komunika nafatin ho pesoal saude sira, liu liu sira ne’ebe oras ne’e halao serbisu iha Sentru Akollimentu “Lori Prezidente Autoridade RAEOA nia naran, ami hato’o agradese uain ba inisiativa hirak ne’e.

“Ami sei aprezenta rezultadu husi sorumutu ne’e ba Prezidenti RAEOA hodi tetu ho sereidade tomak antes foti desizoens konaba proposta husi TELEMOR” katak Azevedo Lourenço da Costa Marçal Tuir planu wainhira hetan duni aprovasaun husi Autoridade RAEOA, aparellu telekonferénsia hirak ne’e sei instala iha eskritóriu RAEOA no Sekretária Rejionál sira iha Oé-Cusse inklui mos eskritóriu RAEOA iha Dili. ”

TELEMOR sei serbisu hamutuk ho Autoridade RAEOA liu liu Unidade Informasaun, Komunikasaun no Teknolojia hodi instala telekonferénsia iha fatin sira ne’ebé identifika ona hodi fasilita servisu RAEOA ” hateten Tran Van Bang. Proposta husi TELEMOR hodi fo tulun ba Autoridade RAEOA hodi utiliza ho gratuita aplikasoens telekonferénsia nu’udar meius komunikasaun efikaz hodi fasilita Autoridade RAEOA no Komisaun Covid19 RAEOA iha luta kontra Covid19 ne’ebe mak oras nee alastra iha mundu tomak inklui Timor Leste.

LEAVE A REPLY

Please enter your comment!
Please enter your name here