Home Notisia Sofer Taxi Manuel Agradese Tanba Konsege Hetan Tulun Hosi Pesoal Balun

Sofer Taxi Manuel Agradese Tanba Konsege Hetan Tulun Hosi Pesoal Balun

2929
0
Sofer Taxi Manuel onsege Hetan tulun hosi pesoal balun. [Foto: Santina Lucia da Costa | 20.04.2020]

Reportazen Santina Lusia da Costa

Relasiona ho notisia ne’ebe Neon Metin halo entrevista ho sufer taxi Manuel konaba impaktu hosi Estadu Emerjensia [EE], ne’ebe labele han no tenke hetan hahan hosi vizinhu, hela iha Tasi Tolu, hetan reazen makaas hosi publiku no Manuel ho nia familia konsege hetan tulun hosi pesoal balun hanesan nesesidade baziku nian.

Neon Metin dada lia fila fali ho sofer taxi Manuel konaba sentiment bainhira nia hetan netik tulun, hodi bele sustenta nia uma laran.

“Hau agradese teb-tebes ba maluk Timor laran tomak ho konsiensia tomak ne’ebé ajuda ona hau no hau nia familia, hau sei la selu saida mak maluk sira ajuda ona mai hau, iha momentu ida ne’ebe araska teb-tebes mai hau nia familia, só nai Maromak mak bele selu”,  hateten Super Taxi Manuel da Silva ho matan been nakonu ba Neon Metin, Loron, 20/4, fatin Tasi Tolu.

Manuel hateten sira fo hahan nesesidade bazika mak hanesan, Foos, Supermie, Mina, Bumbu dapur nian, Biskuit  no neseidade ba haris nian.

“Hahan ne’ebé mak ohin maluk pesoal sira fo laos mai hau nia familia de’it, maibe ami sei fahe uituan-uituan ba vizinhos balun ne’ebé mak agora dadaun hahan laiha hanesan mos hau, atu nune’e hetan hanesan, tanba kuaze iha Tasi Tolu ne’e uma ka’in 3-4 mak hahan laiha.” Dehan Manuel.

Sufor taxi Manuel agradese ba media online Neon Metin ne’ebe mak hato’o ona nia lian ne’e ba ema Timor laran tomak, se Neon Metin la mai karik, oras hanesan ne’e ami bele mate ba hamlaha.

“Hau mos agredese ba media online Neon metin, ne’ebé mak hato’o ona ami lian halerik ida ne’e, se horseik mak abin la mai karik, kala oras hanesan ne’e hau ho ferik oan fo han saida ba ami nia oan, no ami bele mate ba hamlaha, ne’ebe dala ida tan agredese boot tebes ba media online Neon Metin”, tenik Manuel iha loron 20/04.

Tuir Observasaun Neon Metin, ohin sira ne’ebé mak fo nesesidade bazika ba familia Manuel mak mai husi pesoal na’in 6 no ate agora governu relevante seidauk tun direitamente haree familia kbiit laek refere. Laos familia Manuel mak hahan laiha, maibe familia uma ka’in 3 to’o 4 mos moris iha susar nia laran.

Entretantu, komunidade balun mos hato’o preokupasaun katak, osan atu hola labarik nia susu been mos laiha, sira mos hahan laiha atu han.

Print Friendly, PDF & Email

LEAVE A REPLY

Please enter your comment!
Please enter your name here