Home Notisia Ba Kazu Provavel no Positivu Covid-19 To’o Ohin Loron Mai Hosi Klaster...

Ba Kazu Provavel no Positivu Covid-19 To’o Ohin Loron Mai Hosi Klaster 7

170
0
Imajen konaba virus Corona. [Foto: Copyright google | 02.04.2020]

Reportazen Zevonia Vieira

Relasiona ho maluk sira ne’ebe provavel  no positivu Covid-19 mai hosi klaster ka grupu 7 ne’ebe mak halo kuarentena obrigatoriu ka auto-kuarentena.

Liu hosi konferensia imprensa Portavoz Centru Integradu Jestaun Krize [CIJK], Dr. Rui Araujo informa katak kazu konfirmadu no provavel moras Covid-19 iha Timor-Leste mosu iha grupu ka klaster 7 katak klaster hotel Katuas ema ne’ebe konfirmadu sei nafatin 16 no halo ona segundu analize no hein serial analize sira tuir mai to’o hetan negative dala rua tutuir malu.

“Iha klaster ida ne’e, iha kazu provável nain 2 maka horiseik rekuperadu. Ba klaster hotel Fortuna iha grupu ida ne’e iha kazu konfirmadu nain 1, maibe ho karga viral kiik oan ka low positive no kazu provavel nain 1, kazu ida ne’e rekuperadu hotu ona”, hateten Dr. Rui Araujo iha CCD, 26/04.

Klaster hotel Timing iha kazu konfirmadu nain 1, halo ona analize serial hein rezultadu negative dala rua tutuir malu. Ba grupu klaster hotel Novo Horizonte iha kazu konfirmadu nain 1, sei nafatin halo analize serial no iha mos kazu provavel ida ne’ebe rekuperadu ona.

Ba grupu ka klaster hotel Lecidere iha kazu positivu nain 1 no sei nafatin halo analize serial hodi hein negativu rua tutuir malu. Ba klaster professor portugueses sira iha Liquisa, iha kazu konfirmadu nain 1 ho karga viral kiik ka low positivu ou low viral load, sira mos halo ona analize serial hodi hein negative dala rua tutuir malu.

Ba klaster  profissionais saúde iha kazu profissional saude nain 1 ne’ébé konfirmadu, agora iha izolamentu HNGV no hein rezultadu análize série tuir mai.

“Aproveita esplika ba populasaun tomak katak, profisionál saúde sira ne’ebé servisu diretamente ho kazu konfirmadu sira, ka iha fatin izolamentu normalmente halo turnu semana ida. Semana ne’e hotu, sira tama kuarentena, durante loron 14. Se durante loron 14, sira la iha sintomas, sira bele fila ba uma durante semana ida, hafoin tama hikas servisu turnu, durante semana ida”, hateten Dr. Rui iha CCD, 26/04

Dr. Rui hatutan hosi progresu ne’ebé deskreve iha leten, konfirma tendénsia iha nasaun seluk, ne’ebé hatudu katak kazu pozitivu ho karga viral ki’ik  [low positive] no mos kazu provável sira, iha tendénsia atu hetan negativu ho tempu badak liu, sein presiza iha tratamentu espesifiku. Sira nia primeiru ezame laboratorial halo entre 11 ho 13 Abril no liu tiha loron 10, sira bele hetan negativu tutuir malu no bele fila ba uma.

LEAVE A REPLY

Please enter your comment!
Please enter your name here