Home Uncategorized Dr. Rui: Kazu Provavel Halo Teste Uza PCR Tutuir Malu Negativu Konsidera...

Dr. Rui: Kazu Provavel Halo Teste Uza PCR Tutuir Malu Negativu Konsidera Rekuperadu

359
0
Dr. Rui Maria Araujo. [Foto: Copyright FB Dr. Rui Araujo | 04.04.2020]

Reportazen Zevonia Vieira

Moras Corona ne’ebe mak sai nafatin preokupasaun publiku nian, halo ema hotu kontinua hamosu hanoin ba moras refere. Relasioa ho maluk nain 5 ne’ebe rekupera ona ka kuradu hosi moras Covid-19, hamosu konfuzaun iha publiku konaba difinisaun rekuperadu ba provavel

Relasiona ho informasaun ida ne’e, portavoz Centru Integradu Jestaun Krize [CIJK], Dr. Rui Araujo esklarese konaba definisaun rekuperadu

Dr. Rui hateten ka’er tuir padraun internasionál ne’ebé iha, ema ne’ebé rekuperadu husi moras Covid 19, signifika ema ne’ebé husi ninia rezultadu laboratóriu Polimerase Chain Reaction [PCR], hatudu dala-rua tutuir malu negativu, iha intervalu liu husi loron ida. Independentemente husi iha ka lae sintomas ka independentemente husi tama iha kategoria Konfirmadu ka Provavel, wainhira ninia rezultadu PCR hatudu negativu tutuir malu, bele konsidera nia rekuperadu husi Covid 19.

Dr. Rui mos esplika konaba konseitu provavel katak ema ne’ebé hatudu rezultadu laboratoriu indeterminadu ka seidauk bele determina se konfirmadu ka lae ou ema ne’ebé tamba situasaun la permiti, seidauk bele halo ezame laboratoriu PCR.

Sa ida maka rezultadu PCR ‘’indeterminadu’’? Téknika analize PCR utiliza métodu sofistikadu nivel molekular, hodi indentifika ‘’genetic footprint’’ [ainfatin genetiku] husi virus SARS-CoV-2. Iha gene rua maka presiza indentifika iha analize PCR: RNA E-Gen ho RdRp Gen.

“Ita dehan rezultadu ‘’indeterminadu’’, wainhira hatudu katak iha deit RNA E-Gen no ita dehan rezultadu ‘’detected’’ ka pozitivu ka konfirmadu, wainhira gene rua ne’e iha hotu. Husi perspetiva klinika, rezultadu rua ne’e hotu hatudu katak virus SARS-CoV-2 prezente iha amostra ka espésime ne’ebé foti husi ema ne’e, maibé ida indeterminadu, tamba gene ida deit, signifika infesaun iha ona faze atu hakat ba negativu. Tamba ne’e maka, wainhira hetan rezultadu dala rua tutuir malu negativu husi rezultadu inisiál indeterminadu ita konsidera moos nudar rekuperadu”, hateten Dr. Rui Araujo iha centru media CIJK 26/04.

Print Friendly, PDF & Email

LEAVE A REPLY

Please enter your comment!
Please enter your name here