Home Feature Covid-19, Juliana Nudar Agrikultor, Maske Modo La Folin, Maibe Esforu-an Nafatin Hodi...

Covid-19, Juliana Nudar Agrikultor, Maske Modo La Folin, Maibe Esforu-an Nafatin Hodi Hola Fos

404
0
Juliano Hornay nudar agrikultor iha Hera. [Foto: Francisco JDA | 27.04.2020]

Reportazen Santina Lucia da Costa

Virus Corona afeta duni ba ema nia moris laos afeta ba saude deit, maibe afeta mos ba moris vida ekonomia. Bainhira Estadu Emerjensi [EE] dekreta hosi Prezidente da Republika, situasaun ema kbiit laek hasoru susar barak iha vida loron-loron nian.

Juliana Hornai moris nudar agrikultor iha Hera, Juliano ho nia kaben kuda modo no Brinjela, hodi nune’e bele faan ba merkadu, maibe bainhira moras Corona ne’e mosu iha Timor no implementa EE hosi ne’e kedas rendimentu mos tun.

“Uluk ami fa’an, bainhira ema barak mak lori tun ba Dili, entaun ema ladun hola, maibe modo kanku kesi ba $5.00 dollar no Brinjela $4.00 dollar balde ida,  agora situasaun estadu emerjensia hanesan ne’e ema ladun hola, ami fa’an baratu de’it ba $1.50 ka $ 2.50 ne’e para ema hola hotu”, konfensa Juliana ba Neon Metin iha Hera, 25/04

Juliana hatutan maske folin kiik maibe esforsu an nafatin lori ba merkadu Taibesi, moris agrikultor mak nune ona. “ami la halo mos ladun di’ak ida no maske modo la folin mos ami nafatin esforsu-an atu nune’e ami bele hola netik foos hodi han”.

Juliano konfesa katak virus Corona ne’e perigu tebes, sira mos tauk maibe tanba nesesidade uma laran, Juliano ho nia kaben habrani an, hodi kontinua kuda modo sira no ba faan netik, hodi bele sosa foos ba kabun.

Maske kontinua halao knaar iha toos hodi kuda modo maibe Juliana hatene oinsa prevene an hosi virus Corona katak tenke uza maskra, fase liman bebeik ho sabaun no halo distansia social. Informasaun hirak ne’e Juliana hare hosi televisaun, rona hosi radio no social media. Ministeriu Saude rasik fahe poster ba sira konaba virus Corona no oinsa proteje an.

Juliana husu ba governu tenke iha politika diak ida atu bele tau matan ema sira moris nudar agrikultor, atu nune’e sira bele kontinua nafatin kuda modo, tan vida agrikultor mak bele hatutan sira nia moris no responde nesesidade uma laran.

LEAVE A REPLY

Please enter your comment!
Please enter your name here