Home Notisia Komunidade Suku Abo-Qeulicai Hosi Tempu Okupasaun To’o Agora La Asesu Bee Moos

Komunidade Suku Abo-Qeulicai Hosi Tempu Okupasaun To’o Agora La Asesu Bee Moos

527
0
rai Quelicai Baucau. [Foto: Copyright google | 29.04.2021]

Reportazen Joselina dos Santos

Komunidade Aldeia Da’e-Mena, Suku Abo Postu-Administrativu Quelicai, Munisipiu Baucau la asesu  bee-moos hosi kedas tempu okupasaun to’o ukun-aan.

Komunidade aldeia Da’e-Mena, Maria dos Santos ne’ebe la asesu bee hahu hosi tempu Indonesia, no iha tempu naruk nia laran, lao kilometru 5 hodi ba kuru bee matan.

“Ami la sente saida mak bee moos, iha aldeia ida ne’e, feto sira idade kiik hare hanesan ferik ona, tanba lor-loron ba koru bee no lao kuaze distansia kilometru 5 balun mak foin to’o bee matan”, tenik Maria

Maria konfesa b aba Neon Metin sente koleng tanba lor-loron tenke lao dook, tanba nia bee moos importante.

“Ha’u senti kolen tanba la’o dook no iha impaktu boot tebes ba ami, tanba kada loron ami ba koru bee  dala haat, inan isin rua no avo sira ne’ebe idade 60 ba leten bele hetan moras boot no mate lalais  tanba impaktu dook hosi bee moos, lor-loron sempre lao dook”, dehan Maria via telefone, 24/04.

Nia informa tan katak komunidade sira ne’ebe mak iha transporte, sira bele ba ho motor ka kareta hodi ba koru bee iha bee-matan, maibe ba komunidade sira ne’ebe mak laiha kbi’it pasiensia tenki la’o ho distansia do’ok hodi ba koru bee.

“Ha’u nu’udar ema ne’ebe kbi’it laek, forsa la liu ema bo’ot sira iha ne’e, hau husu governu favor hakat mai iha ami nia aldeia, hodi haree rasik ami nia problema kona-ba  bee-moos, labele haree de’it maka iha kapital ne’ebe besik governu,” Maria hato’o esperansa boot.

Iha situasaun hanesan komunidade, Pedro da Silva hatoo sentimentu triste ba problema bee moos, tanba susar atu hetan bee moos. Situasuan ne’e labele resolve hosi tempu Indonesia to’o ohin loron no la sente ukun

“Ami nunka asesu bee-moos iha ami nia moris, tanba ema ne’ebe iha kapasidade sira bele lori transposte hodi ba kuru bee, maibe ema ne’ebe kbi’it laek hanesan ha’u ne’e kuitadu, haree inan feton sira ne’e laran dodok loos, entaun nudar aman ida ha’u tenki ajuda sira hodi ba lalin bee, tanba neik-neik ita mate la’os tan buat ida, maibe mate tanba impaktu distansia dook hosi bee matan,” dehan Pedro

Nune’e komunidade sira ne’ebe laiha kbi’it pasiensia la’o ho distansia kilometru 5 ho balun, mak foin to’o bee matan maibe iha impaktu boot ba sira, tanba kada loron sira ba koru bee dala haat.

“Iha tempu okupasaun Indonezia to’o agora ami nafatin halerik ba bee-moos, mais nein Ministeriu kompetente ida maka mai haree ami nia problema kona-ba bee-moos ne’e, ha’u rasik hamutuk ho autoridade lokal halo proposta ba parte relevante maibe to’o agora laiha resposta pozitivu,” dehan Pedro

Iha sorin seluk, Xefe suku Abo Fidelio S. dos Santos rekonnese katak komunidade Suku Abo Postu-Administrativu, Munisipiu Baucau hamutuk uma kain 170 resin maka halerik ba bee-moos durante Indonezia nia tempu to’o agora.

Durante ne’e Xefe Suku serbisu hamutuk  ho komunidade sira hato’o proposta direitamente ba serbisu Agua no Saneamentu (SAS), aleinde mos liu husi media hodi tau matan ba problema Bee-Moos maibe to’o agora seidauk iha resposta.

“Husu ba SAS no Ministeriu relevante, karik bele tun mai haree direitamente haree povu ida ne’e, nia terus tanba la’os agora maka komunidade iha suku Abo halerik ba Bee-Moos maibe desde okupasaun Indonesia nia tempu to’o agora ,” hateten Xefe Suku

Print Friendly, PDF & Email

LEAVE A REPLY

Please enter your comment!
Please enter your name here