Reportazen Francisco JDA
Centru Integradu Jestaun Krise (CIJK) relata dadus kona ba situasaun moras surtu Covid-19 iha Timor Leste liu hosi konferensia imprensa iha centru media, portavoz CIJK, Dr. Sergio Lobo informa katak total kumlativu ba teste hamutuk nain 854, ba kazu konfirmadu nafatin 24 laiha mudansa, ba kazu rekuperadu hamutuk 21 no negative sae ba 750 kompara ho horseik iha nain 692.
Maluk sira ne’ebe seiha fatin isolamentu Vera Cruz nafatin nain 7, total kumulativu hodi hein rezultadu teste hamutuk nain 80 kompara hohorseik iha nain 114. Maluk sira ne’ebe sei iha kuarentena hamutuk 173 kompara ho horseik hamutuk 135. Profesional saude ne’ebe iha kuarentena hamutuk nain 45.
Relasiona ho ema ne’ebe pasaona iha kuarentena loron 14 hamutuk nain 2083, iha Dili 1645 no municipiu 438.
Liu hosi konferensia imprensa CIJK kontinua apela ba komunidade atu kontinua kumpri regras distansiamentu fiziku minimu metru 1, tur hakmatek iha uma no evita halibur malu, keta rona nutisia falsu no informasaun hotu mai hosi CIJK.
