Home Notisia MSSI Prepara Dadaun Proseu Pagamentu $100 ba Kada Uma Kain, Espera 22...

MSSI Prepara Dadaun Proseu Pagamentu $100 ba Kada Uma Kain, Espera 22 Maiu Hahu

2918
0
Edificio MSSI (Foto: Independent)

Ministeriu Solidariedade Sosial no Inkluzaun (MSSI) prepara dadaun prosesu pagamentu ba uma kain. Ohin, Ekipa Tekniku MSSI enkontru ho organizasaun sosiedade civil sira no mos Provedoria Dereitus Umanus no Justisa (PDHJ) hodi fahe informasaun kona ba prosesu pagamentu no mos hodi input hodi hadiak liutan prosesu mak iha ona.

Diretur Geral MSSI, Rui Exposto hatete iha enkontru katak prosesu preparasaun ba pagamentu lao dadaun no husu organizasaun sosiedade civil atu observa prosesu.

“Dadus sira mak elijivel sei hatama iha proposta ba ministeriu finansas. Xefe Suco ho nia Bendahara mak foti osan iha banku depois entrega ba ekipa pagamentu. Ekipa pagamentu sei Involve MAE nia staff, no pesoal administrasaun suco, no mos asegura hosi seguransa. Pagamentu sei halo iha suku maibe halo pur Aldeia. Ami husu organizasaun sosiedade civil atu sai observador durante prosesu pagamentu,” Diretur Geral Rui Exposto esplika iha salaun enkontru MSSI, Kaikoli, 15/05.

Parisipa mos iha enkontru ne’e, Adjunto PDHJ, Miguel Carvalho, no nia hato’o mos kona ba rezultadu monitoring hosi PDHJ nian.

“Lista ikus nian rejistu fali ema sira mak la merese, purezemplu, uma kain ida ema barak mak hela no sira iha hotu ficha maibe la iha dokumentu justifikativu sira mak konstitui nudar uma kain. Ne’e sei bele hamosu problema iha tempu pagamentu, Adjunto PDHJ ne’e hato’o iha fatin enkontru.

Adjunto ne’e mos dehan katak nia presija 1 milaun ba despeza administrasaun no logistiku ba halo pagamentu.

Diretur FONGTIL, Daniel do Carmo hato’o ba MSSI katak FONGTIL ho nia membru sira sei halo esforsu marka prezensa iha suco hotu-hotu hodi halo monitorizasaun ba pagamentu ne’e.

LEAVE A REPLY

Please enter your comment!
Please enter your name here