Home Notisia PM Taur : Moras COVID-19 Rekupera Hotu, Seguransa Diak, Tenke Rekupera...

PM Taur : Moras COVID-19 Rekupera Hotu, Seguransa Diak, Tenke Rekupera Ekonomia

145
0
Premeiru Ministru VIII Governo, Taur Matan Ruak (Foto: Shanti LDA)

Reportajen Santina LDA

Primeiru Ministru Taur Matan Ruak, enkontru semanal ho Prezidente Republika Francisco Guterres Lu-Olo konaba implementasaun Estadu Emerjensia, dezevolvimentu Covid-19 nian, no situasaun seguransa iha ita nia rai laran.

Tuir Primeiru Ministru, Taur Matan Ruak, katak, Implementasaun  situasaun Estadu Emerjensia hanesan ita boot sira hatene ohin dia 18 Maiu, falta loron hira tan ita kompleta ona fulan rua. Implementasaun lao di’ak apezar dalaruma ita nia populasaun sira fleksibiliza movimentu maka’as uituan, barak liu tan, mais uma forme jeral di’ak.

“Iha rezultadu moras nian, ita bele dehan la iha ona. Sira ne’ebe moras rekupera hotu, maibé COVID-19 ne’e sei iha. Tanba nune’e mak ita atensaun maka’as halo teste iha munisipiu sira para hatene infeta iha ne’eba iha ka lae. Ita mos komesa hanoin, ohin, hau fo instrusaun ba Centru Jestaun Krize, para halo levantamentu,  fo sira nia pareser konaba pasu saida mak ita tenki fo, depois de Estadu Emerjensia? presija halo extensaun?, se presija karik tanba saida?, se ita la presija, medida saida mak ita tenki toma? Tanba ita hatene ita nia vizinho NTT mos iha pois tama mai iha. Ne’e signifika fronteira terestre ho ita ne’e preokupasaun boot. Estadu Emerjensia ita bele hakbiit ita nia-an para responde kuandu nesesariu,” hateten Primeiru Ministru Taur Matan Ruak, ba Jornalista sira iha Palasiu Prezidensia, Aitarak-Laran, loron, 18/5.

Primeiru Ministru, Haktuir, situasaun seguranasa ita nia rai laran di’ak, apezarde rumoris halo manifestasaun halo ida ne’e, halo ida ne’eba, uma forme jeral ne’e seguransa di’ak liu ita nia rai laran tomak.

“Hau aproveita momentu ida ne’e mos hau hakarak agradese ita nia sidadaun sira fo sira nia kooperasaun. Tantu nivel seguransa, kombate Covid-19, hau hanesan Primeiru Ministru orgullu mos ba sira nia kooperasaun. Ita hotu tau nafatin esforsu, tau matenek, tau ita nia neon hamutuk, evita moras ne’e tama iha ita nia rai. Karik tama ita iha kbiit para ultrapasa. Kbiit ne’e mai husi ita nia-an rasik, mai husi familia,” Dehan Premeiru Ministru.

Primeiru Ministru mos deklara, Prezidente Republika kontinua konfiansa ba Primeiru Ministru, husu para atu atensaun maka’as ba buat rua ne’ebe temi, ida mak Corona Virus, nia lakohi ita nia sidadaun moras mate tan moras ida ne’e, para ida ne’e labele akontese husu apoiu populasaun,  inan-aman, oan, joven sira nian, ita hotu nian, tanba governu mesak labele. Segundu mak nia hakarak ita nia ekonomia  tenki rekupera, osan tnki sirkula fila-fali, familia sira tenki hahan iha.

LEAVE A REPLY

Please enter your comment!
Please enter your name here