Home Notisia Kazu Suspeitu Covid-19 Iha Suai, Rezultadu Teste Negativu

Kazu Suspeitu Covid-19 Iha Suai, Rezultadu Teste Negativu

1784
0
uma tradisional Municipiu Covalima. [Foto: Copyright google | 08.06.2020]

Reportazen Zevonia Vieira

Relasiona ho kazu ne’ebe regista iha ospital referela Suai iha loron 7 Junhu, ho sintomas hanesan Covid-19, ho isin manas tempuratur 39, mear kakorok moras.

Liu hosi konferensia imprensa iha Centru Integradu Jestaun Krize (CIJK), portavoz Dra. Odete Viegas informa katak pasiente ne’ebe hetan sintomas, hetan atendimentu hosi ekipa medika no admite ba fatin isolamentu, hafoin ekipa Laboratoriu foti amostra no ekipa vijilansia foti istoria kontaktus. Amostra refere foti no transporta kedas mai Dili hodi halo teste no hatudu rezultadu negative.

Dra. Odete hatutan iha loron 4 Junhu pasiente ne’e ba halo ona konsulta iha ospital,ba asesu Sistema triajem, inus ben ho mear oituan, maibe pasiente la temi iha istoria kontaktu tanba tauk.

“Ema ne’ebe kontaktu besik ho pasiente hamutuk nain 20, ne’ebe ekipa hahu foti ona amostra, nune’e ita nafatin halo sentinel suveilance no ba kazu suspeitu, hodi bele hatene iha ka lae transmisaun lokal  iha komunidade”, hateten Dra. Odete iha CCD, 08/06.

Tuir informasaun ne’ebe CIJK hetan katak pasiente ne’e laiha istoria viajem, nia hanesan negosiante ne’ebe halo serbisu iha Motamasin, simu sasan ka hatun hosi kareta, iha kontaktu ho ema Indonesia ne’ebe hodi sasan.

CIJK apela ba negosiantes hotu katak, presija kumpri regras hotu, koidadu no tau atensaun masimu, maibe labele tauk atu nakloke fo sa istoria moras ba mediku sira ho istoria ne’ebe loloos, atu nune’e ita hotu bele kontribui on aba preven, detekta no trata kazu Covid-19 iha ita nia an rasik, familia, komunidade no nasaun Timor-Leste.

Tuir senariu ba objetivu estrategia hosi CIJK, liu-liu iha Estadu Emerjensia datoluk mak atu haforsa serbisu vigilansia iha fronteirs rai no tasi, oinsa atu hametin liutan serbisu pilares iha municipiu, interstorial no parseiru sira.

Print Friendly, PDF & Email

LEAVE A REPLY

Please enter your comment!
Please enter your name here