Home Memoria RENETIL Hanoin Hikas Demonstrasaun 12 Junhu, Mau Terus: Funu Iha Lafaek nia...

RENETIL Hanoin Hikas Demonstrasaun 12 Junhu, Mau Terus: Funu Iha Lafaek nia Ibun

963
0
RENETIL sira halo demonstrasaun iha Deplu- Jakarta. [Foto: Dokumentu RENETIL | 15.06.2020]

Reportazen Raimundo Seguerau

Organizasaun Rezistensia Nasional dos Estudantes de Timor Leste (RENETIL), halo refleksaun hodi hanoin hikas fali demonstrasaun ne’ebe juventude noe estudantil sira halao iha Jakarta iha loron 12 Juñu 1998.

Fundadór RENETIL, João Travolta “Mau Terus” esplika, durante ne’e ema barak konta istoria bazeia de’it ba eventu sira no istoria ne’e lakompletu, la estruturadu no mós laiha ligasaun funu sira ne’ebé hahu diaspora Indonesia.

Mau Terus hateten iha 12 Juñu ne’e klimaks ida husi asaun ne’ebé estudante sira kontribui funu, iha Indonesia.

“Ami uza terminologi dehan funu ida iha lafaek nia ibun kuak, ne’ebé kontribuisaun husi juventude no estudantil sira”, dehan Mau Terus ba Neon Metin iha Sede RENETIL Palapaso,Dili foin lalais ne’e.

Nia haktuir, luta diaspora espesifiku iha Indonesia liuhusi asaun 12 Juñu, bele konkluza katak hanesan kontribui ida ba desizaun governu Indonesia nian, hodi konkorda idea referendum ne’ebé povu Timor-Leste halo iha 1999.

“Tanba 12 Juñu ne’e partisipa husi estudantes, husi organizasaun oioin hanesan RENETIL, AST ho kolega Indonesia sira rasik, husi ativis pro demokrasi. Asaun ne’e halo hanesan estratejia RENETIL, ne’ebé trasa iha estratejia boot rua, ida mak Indoneziasaun konflitu no segundu internalizasaun konflitu”,  Fundadór RENETIL subliña.

LEAVE A REPLY

Please enter your comment!
Please enter your name here