Home EduTek Eskola 30 Agustu Reativa Ona, Haris Fatin no Bee Kontinua Sai Problema

Eskola 30 Agustu Reativa Ona, Haris Fatin no Bee Kontinua Sai Problema

310
0
Eskola Ensino Basica Central 3 ciclo 30 Agusto. [Foto: Santina Lucia da Costa | 22.06.2020]

Reportazen Santina Lucia da Costa

Eskola Ensino Basica Central 3 ciclo 30 Agusto hahu re-ativa, tanba eskola refere priensia ona kriteriu hosi Ministeriu Edukasaun no Ministeriu Saude konaba protokolu Covid-19, maske eskola refere sedauk hetan ekipamentu hanesan maskra hosi Ministeriu Edukasaun, ho nune’e estudante sira prepara sira nian rasik hodi uza.

Diretor Eskola Ensino Basica Central 3 ciclo 30 Agusto, Filomeno Salsinha hateten preparasaun hahu husi loron 1 Juñu to’o 15 Juñu 2020, depois halo preparasaun hotu, ekipa husi Ministeriu Edukasaun ho Ministeriu Saude, mai verifika ona no eskola ne’e priense ona kriteria no loke ona ba estudante sira atu tuir prosesu aprendizajen.

Diretor Filomeno Salsinha hateten profesor sira mos tuir ona kursu online ne’ebe Ministeriu Edukasaun fó.

“Ita bele dehan katak kuaze maioria sira hotu-hotu priense kriteria, nune’e mak ita foin loke eskola, ne’e hanesan kriteria ida no iha mos kriteria sira seluk”, hateten Diretor Filomeno ba Neon Metin.

Filomeno Salsinha afirm konaba fasilidade husi Ministeriu Edukasaun ba prevensaun hosi Covid-19, Ministeriu Edukasaun prepara duni, maibe oras ne’e seidauk fahe, maibe eskola fó orientasaun ba alunos sira, atu ida-idak lori nia maskra rasik antes tama sala laran.

“Eskola balun simu ona, Munisipiu 3 mak simu uluk hanesan Covalima, Bobonaro no RAEOA, tanba sira mak besik liu fronteira, entaun kondisaun ne’ebe Ministeriu sei fornese uluk eskola sira iha ne’eba”,  afirma Filomeno.

Filomeno dehan Se ita hein hela de’it, duasaun husi ema seluk, buat sira ne’e ema promete mais seidauk to’o hotu, se ita hein de’it bainhira mak ema fó, ita aguenta inan-aman sira hola netik maskra ida ba nia oan sira, para bele hahu ona eskola. Kondisaun sira seluk, Ministeriu prepara hanesan hand sanitazer, bee, sabaun, dezenfekta eskola kada semana.

Problema principal ne’ebe eskola ne’e iha mak konaba haris fatin no bee , laos problema foun ba eskola refere. Hori uluk kedas haris no bee sai nafatin problema boot, estudante hamutuk 2156 uza haris fatin maibe bee oituan deit.

Iha fatin hanesan  estudante klase 3,  Matilda Joana Madeira hateten durante estadu emerjensia, nia sente triste oituan, tanba laiha aula laiha materia atu kontinua aprende tanba klase 3 ona no besik ezame nasional

“Ami triste tanba ami nia telefone laiha, atu asesu ba aula online internet. Durante estadu emerjensia ami mai eskola foti livru iha biblioteka mak lori ba uma hodi estuda”, tenik Matilda

Matilda hateten fasilidade atu prevene-an, sira rasik mak prepara hanesan maskra, konaba bee ho sabaun eskola mak prepara, sira fase liman mak foin tama aula no estudante sira kumpri oinsa halo distansia fiziku no social iha aula laran.

Kada sala iha deit estudante 15 no antes Corona kada sala iha nain 25 estudantes.  Eskola Ensino Basica central 3 ciclo, 30 Agusto estudante hamutuk 2156, mane nain 1015 no feto hamutuk 1141.

Print Friendly, PDF & Email

LEAVE A REPLY

Please enter your comment!
Please enter your name here