Reportazen Francisco JDA
Parlamentu Nasionál aprova Lei Anti Korupsaun (LAK) ho unanimidade ho afavor 61,kontra zero (0) no abstensaun zero (0).
Parlamentu Nasional marka istoria ida ba esforsu kompromisiu estadu nian, atu kombate no prevene korupsaun Iha Timor-Leste, maske Lei ne’e rasik seidauk hetan promulgasaun atu sai Lei, hafoin restaurasaun da independensia, iha duni produtu legislativu ida ne’ebé espesial no kompletu ho medidas espesiais no extra ordinario preventiva no represivas nudar instrumentu importante iha luta hasoru korupsaun .
Bankada Partidu Democratiku ( PD), Mariano Sabino “Asanami” hatoo apresisaun orgulho tebes Lei Anti Korupsaun (LAK), tanba desde inisiu propoin atu hametin liu tan ukun rasik an, ba konstrusaun estadu no nasaun, ho LAK partidu polítiku komesa ona eduka no sai instrumentu ba libertador ida
“Lei ida ne’e evita ona, ema labele fo osan ba vota nian, povu ne’e tenke iha dignu, para atu vota tuir ninia konsensia no tuir partidu polítiku ne’ebé bele lori rai ne’e ba oin, ho kondisaun ne’ebé kiak ou bele hamosu fali sistema hakiak, para depois bele sosa, ne’e sei la akontese tan ba oin”, hateten Assanami Iha uma fukun Parlmentu Nasionál 20/07.
Asanami hateten Lei ne’e presiza tebes apoio hosi provedoria Direitus Humanus no Justica (PDHJ), Polísia Sientífika Investigasaun Criminal (PSIC) ho Ministeriu Públiku bele la’o no la’ós atu kaer ema, maibé evita atu ema labele monu no kria sistema ne’ebé di’ak.
Iha fatin hanesan Deputadu Bankada FRETILIN, Antoninho Bianco hateten louva ba esforsu hotu, hosi komponente hotu komisaun A, ba primeira legislatura to’o V legislatura, iha parte Governasaun presiza respeita Lei ne’e ho indikador no tranparansia.
“Lei ohin ita aprova unanimidade parze ida hosi boa governasaun no Lei tenke divulga kabe ba deputadu, membru governu no se de’it atu divulga informasaun kona ba Lei ida ne’e iha 118 artigu, para ema hotu intende, admistrativu iha nivel direitamente ou indireitamente municipal obrigatorio”, hateten Antoninho Bianco
