Home Saude EUA Apoiu Fasilidade Saude Prevensaun Infensaun no Covid-19 Ba Sentru Saude Comoro

EUA Apoiu Fasilidade Saude Prevensaun Infensaun no Covid-19 Ba Sentru Saude Comoro

88
0
UNICEF apoiu ekipmentu saude ba centro saude Comoro. [Foto: Santina Lucia da Costa | 29.07.2020]

Reportazen Santina Lucia da Costa

Estadu Unidus Amerika (EUA) liuhusi UNICEF fo apoiu ekipamentus saude, hodi kontrola, halo prevensaun infesaun no mos ekipamentus saneamentu no Ijiene konaba prevensaun Covid-19 iha Timor-Leste.

Diretora Nasional Saude Publika, Isabel Gomes hateten, liu hosi kooperasaun  ente Esadus Unidus Amerika ho UNICEF ho Ministeriu Saude, oferese tan ekipamentus kontrola no prevensaun infesaun no mos ekipamentus ba saneamentu no ijiene ne’ebe mak sai hanesan importante teb-tebes hodi prevene moras Covid-19 iha Timor-Leste.

“Ita hotu hatene katak mundu tomak, inklui Timor-Leste ita sei infrenta hela pandemia Covid-19, maske Timor-Leste agora dadaun laiha kazu pozitivu, maibe ita presiza kontinua halo nafatin prevensaun no metigasaun ba Covid-19 iha Timor-Leste, hodi nune’e ita mos bele livre husi Covid-19”, hateten Diretora Nasional Saude Publika, Isabel Gomes, iha nia diskursu iha Sentru Saude Comoro, Loron, 28/7.

Diretora Nasional Saude Publika dehan ekipamentus sira ne’ebe mak apoiu husi Estadus Unidus Amerika ba Sentru saude sira, tenki utiliza didi’ak no kuida ho didi’ak, hodi nune’e ita bele utiliza iha tempu ne’ebe mak naruk.

Iha fatin hanesan Reprezentante UNICEF iha Timor-Leste, Valerie Taton sentru saude hanesan liña primeiru ba saude populasaun nian, ita hanesan bensadu duni iha Timor-Leste, tanba ita laiha kazu Covid-19 ne’ebe ativu, maibe ita presiza hanoin katak, pandemia Covid-19 agora ne’e boot liu ka maka’as liu, duke akontese iha fulan Marsu 2020 bainhira ita taka buat hotu.

“Ami agradese tebes ba Estadus Unidus no mos USAID ba apoiu ne’ebe fo, hodi hadia fasilidade bee saneamentu ijiene, iha fasilidade saude 15 iha munisipiu 5 hanesan Baucau, Dili, Covalima, Ermera no Manatuto, ho ida ne’e ami koko hadia sentru saude sira, atu nune’e ita bele prevene Covid-19.” hateten Valerie Taton.

Entretantu Embaixador Estadus Unidus Amerika, Kathleen Fitzpatrick hateten kooperasaun entre UNICEF, Estadus Unidus no Ministeriu Saude hodi ajuda Timor-Leste luta hasoru pandemia Covid-19.

Nia hateten Timor-Leste nia profisional saude barak serbi ho laran tomak, merese atu hetan ita hotu nia agradesimentu espesial. Hanesan ita hotu hatene, total kazu menus no laiha ona kazu foun dezde fulan abril.

Nia afirma, maske kazu foun  laiha ona, maibe Timor nia lideransa kontinua guarda nasaun no povu Timor-Leste.

“Ne’e laos tempu atu husik livre, ita nia guarda. Virus ne’e sei eziste iha mundu no Covid-19, sei sai hanesan ameasa iha nasaun barak, inklui nasaun viziñu Indonezia.” Tenik, Kathleen Fitzpatrick.

USAID anunsia ona apoiu orsamentu $ 500.000 ba UNICEF iha fulan kotuk, primeiru ne’e hodi apoia komunikasaun risku, divulgasaun komunidade no kontrolu infesaun no bee no saneamentu iha munisipiu sira balun no iha mos Centru Saude Comoro.

Projetu ho orsamentu $ 1.7 millaun ne’ebe mak Estadus Unidus fornese hodi ajuda apoia Timor-Leste luta hasoru Covid-19.

”Ohin ami nia parseira ho UNICEF ajuda haforsa prevensaun infesaun no kontrolu iha fasilidade saude sira. Projetu ne’e sei asegura katak pesoal pasiente no vizitante sira bele atu maneja virus ne’e no mikrobiu sira seluk liuhusi fase sira nia liman beibeik ho sabaun no bee moos, dezinfeta superfisie sira. Asaun Simples hirak ne’e nudar kilat efetivu sira iha funu hasoru Covid-19”, hateten, Kathleen Fitzpatrick.

Nune’e mos Prezidente Autoridade Munisipiu Dili, Gaspar Soares iha fatin hanesan informa, Munisipiu Dili to’o agora sei infrenta hela problema bee moos, laos de’it problema bee moos ba komunidade, maibe problema mos bee moos ba iha fasilidades publikus sira hanesan saude sira, eskola no mos fasilidade publikus sira seluk.

LEAVE A REPLY

Please enter your comment!
Please enter your name here